Pyetje & Pergjigje

Pyetja:
Nëse e arrij imamin në rekatin e dytë, atëherë pasi ta kryejë imami namazin, unë ngritem dhe e fali edhe një rekat, por a duhet ta këndoj vetëm elhamin apo edhe një sure?

Përgjigjja:
Falënderimi dhe mirënjohja i takojnë Allahut të Plotfuqishëm, salavatet dhe përshëndetjet tona qofshin mbi Muhammedin alejhi selam, mbi familjen, shokët dhe mbi të gjithë ata që e ndjekin këtë rrugë deri në Ditën e Kijametit.
Në rastin e namazit me dy rekate, nëse ti e zë imamin në rekatin e dytë, atëherë pasi imami fillon të jap selam, ti ngritesh dhe e plotëson edhe një rekat në të cilin patjetër duhet ta lexosh elhamin (fatihanë) e edhe një sure. Allahu e di më së miri!

Pyetja:

A i lejohet nje muslimani te devotshem i cili eshte edhe biznismen, te keqperdore femrat, te cilat punojne per te, per perfitime materiale?

selamualejkum musliman

Kastri ,

Sepse se pari ashtu ka kerku Pejgamberi alejhiselam , qe xhenazja te pastrohet.
Se dyti ne besimin islam , trupi i njeriut edhe pse vdes ai prap perballet se bashkú me shpirtin me peripeci tjera , siq eshte jeta ne Varre , takimi me melaiket e varrit , dita kur do te del para Krijuesit e keshtu me radhe , dhe per kete duhet te pastrohet qe i paster dhe me avdes ti perballoj keto peripeci , pasi ne islam avdesi eshte nje mbrojtes i mire i muslimanit .
E njejta eshte edhe kur njeriu bie te flej , pasi nga ai kerkohet nese ka mundesi te merr avdes sepse sipas Islamit pasi njeriu eshte ne gjume , shpirit i tij me nuk gjendet tek trupi i tij por shkon tek Krijuesi i tij , dhe si i till eshte mire ti dorzohet i paster me avdes.

nje perjashtim eshte ketu qe e ka bere Pejgamberi alejhiselam qe trupi i Shehidit eshte mire te varroset ashtu siq ka vdekur pasi diten e Gjykimit do ngritet ashtu dhe me ate njete qe ka vdekur , e dihet se grada e shehidit eshte e larte ne Islam , dhe eshte e kerkuar qe ashtu siq vritet te varroset .

Shpresoj se isha i kjaret ,
Dhe Allahut subhanehu we teAla e din me se miri.

selamualejkum musliman

Pyetja:
Selamun alejkum ue rahmetullahi ue berekatuhu!
Allahu ju shpërbleftë me çdo të mirë në këtë botë dhe në ahiret nga dhuntitë e Tij për punën dhe mundin tuaj në përhapjen e fjalës së Allahut aze ue xhel! Kisha një pyetje pasi se deri tani kam informata të ndryshme në lidhje me këtë pyetje që vijon. A i lejohet femrës të lexojë ose t'i thotë në vete suret e Kuranit Kerim, (Ajetul Kursij; Kul Eudhat; El Fatiha), gjatë të përmuajshmeve dhe lehonisë (hajzit dhe nifasit)? A lejohet në këtë gjendje t'i thotë duatë e përditshme në gjuhën arabe nga Pejgamberi (alejhi selam) si p.sh.: “La haule ue la kuvvete il-la bil-lah”, “Mashall-llah la kuvete il-la bil-lah”, duatë gjatë hipjes në mjetin e udhëtimit, gjatë fatkeqësive siç është p.sh.: duaja e Dhenunit: “La ilahe il-la ente subhaneke inij kuntu minedh-dhalimin”etj. A lejohet gjatë kësaj kohe të bëhet lutja me emrat e bukur të Allahut të Lartësuar? Ju falënderoj për përgjigjen dhe Allahu ju shpërbleftë dhe ju përshëndes të gjithëve me: eselamu alejkum ue rahmetullahi ue berekatuhu!

Përgjigja:
Falënderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.
Ashtu si e përmendët edhe ju në pyetje, se për këtë çështje keni informata të ndryshme, themi se në këtë ka mospajtim te fukahat islam. Për të qenë më lehtë kuptimi i çështjes, me poshtë do të flasim rreth saj në disa pika, duke filluar nga gjërat në të cilat fukahatë janë pajtuar, pastaj do të kalojmë në shtjellimin e vendit të mospajtimit.

Së pari: Thënia e duave (lutjeve) të Profetit (bekimi dhe paqja qofshin mbi të), sikurse lutjet e mëngjesit e të mbrëmjes dhe lutjet tjera të njohura, disa nga të cilat ju i përmendni në pyetjen tuaj; të gjitha këto janë të lejuara të thuhen dhe në të nuk ka ndalesë. Madje, preferohet nga gruaja me menstruacione të vazhdoj në thënien e lutjeve të këtilla çdo herë, pasi që ajo, edhe pse është në këtë fazë megjithatë ka nevojë për mëshirën e Allahut dhe duhet ta përkujtoj Atë në çdo kohë.

Së dyti: Lutjet siç janë:
1. “BISMILAHI RRAHMANI RAHIM” - “Në emër të Allahut Mëshiruesit Mëshirëplotit”
2. “Ina lil-lahi ve ina ilejhi raxhiun” - "Ne jemi të Allahut dhe ne vetëm tek Ai kthehemi!" Bekare, 156.
3.“Rabena atina fi dunja haseneten ve fil ahireti hasenete ve kina adhabenar” - "Zoti ynë na jep të mira në këtë jetë, të mira edhe në botën tjetër, dhe na ruaj prej dënimit me zjarr!" Bekare, 201.
Dhe lutjet e ngjashme të cilat gjenden në Kuran dhe janë ajete të plota ose pjesë të ajeteve, por ato përdorën si lutje, atëherë edhe këto janë të lejuara ti thotë femra lehonë dhe me menstruacione.

Së treti: Leximi i Kuranit për femrën me menstruacione me qëllim të adhurimit, d.m.th që ajo gjatë këtyre ditëve të ulet dhe të lexoj Kuran si adhurim, ose të përsëris pjesët nga të cilat i ka mësuar më herët përmendësh është diskutabile te dijetarët islam.

Mendimi i parë: Pjesa dërmuese e ulemave (hanefitë, shafitë dhe hanbelitë) janë të mendimit se kjo është e ndaluar dhe se gruaja gjatë këtyre ditëve duhet të largohet nga leximi i Kuranit, deri sa të pastrohet.
Për këtë qëndrim kanë argumentuar me këto argumente:

1. Gruaja e cila është me menstruacioni është e papastër dhe kjo është sikurse muslimani i cili bëhet xhunub (pas marrëdhënieve intime), pasi që në të dy rastet është obligativ gusuli.
Ali Ibën Ebi Talibi tregon se i dërguari (salallahu alejhi ue selem) ua mësonte Kuranin atyre (gjithmonë) dhe nuk e ndante atë asgjë nga Kurani përveç xhunubllëkut.[1]

2. Transmetohet nga Abdullah Ibën Umeri se i dërguari (bekimi dhe paqja e Allahut qofshin mbi të!) ka thënë: “Ajo që është me menstruacione dhe xhunub mos të lexoj asnjë pjesë nga Kurani”.[2]
Mendimi i dytë: Një pjesë më e vogël e dijetarëve (medh`hebi i imam Malikut) lejojnë që femra me menstruacione të këndojë Kuran. Ky mendim thuhet se është edhe thënie e imam Ahmedit, por ajo që është më e vërtetuar nga ai është qëndrimi i parë, i moslejimit.
Sido që të jetë, qëndrimi i dytë është zgjedhur nga një numër i fukahave, qofshin më të hershëm ose të cilët kanë ardhur më pas, si Ibën Tejmije, Sheukani dhe me këtë mendim japin fetva shumë nga dijetarët bashkëkohorë. Kurse argumentet e tyre janë:

1. Argumentimi për t’ia ndaluar gruas me menstruacione leximin e Kuranit duke bërë analogji (kijas) me xhunubin është krahasim ndërmjet dy çështjeve që nuk janë të njëjta, pasi që njeriu xhunub ka mundësi në çdo moment të pastrohet, kurse gruaja me menstruacione nuk ka mundësi ta bëjë këtë madje ajo është e mundur të qëndroj kohë të gjatë (prej tri ditëve deri në dhjetë) në atë gjendje. Pastaj njeriu xhunub, burrë qoftë ose grua, është i\e obliguar të pastrohet (merr gusul) në momentin kur hyne koha e namazit, për ta falur atë, kurse femra me menstruacione është e obliguar të pastrohet kur të kryhet koha e menstruacioneve. Prandaj ky kijas nuk është i saktë.

2. Argumentimi me hadithin e lartpërmendur (Ibën Umerit) nuk është i qëndrueshëm, pasi që është i dobët dhe nuk mund të argumentohet me të për të ndaluar këtë çështje.

3. Esenca nga e cila duhet të nisemi në këtë çështje është se për t`ia ndaluar gruas me menstruacione leximin e Kuranit, duhet të posedojmë argument, me të cilën e ngrisim dispozitën e ndalimit (tahrim). Por kjo nuk është bërë dhe argumentet të cilat janë sjellur nuk janë të qëndrueshme, prandaj mbetet dispozita e përgjithshme, se ajo është e lejuar.
Ibën Tejmije thotë: “Në ndalimin e gruas me menstruacione leximin e Kuranit nuk posedojmë argumente të qarta dhe të sakta”. Ai gjithashtu thotë: “Është e njohur se gratë në kohën e Profetit (bekimi dhe paqja e Allahut qofshin mbi të) u vinin menstruacione dhe nuk tregohet se ai ua ndalonte atyre leximin e Kuranit ashtu si nuk ua ndalonte dhikrin dhe lutjet”.

4. Gjatë kohës së menstruacioneve femra mund të ndeshet në disa situata ku duhet të mësoj Kuranin, ta përsëris atë (posaçërisht nëse mëson në medrese ose fakultete Islame) për shkak të provimeve, ose edhe në disa raste specifike si rasti i sëmundjes, frikës, rukjes së vetës (fryrjes së vetës me Kuran), etj. Prandaj nëse asaj i`a ndalojmë këtë, atëherë e kemi ndaluar nga një gjë që është mjaft e rëndësishme për të dhe e kemi privuar nga shumë dobi për të cilat ajo ka nevojë.
- Nga ajo që u tha më lartë vërejtëm fuqinë e argumenteve të atyre që thonë se lejohet gruaja me menstruacione të lexoj Kuran, por nëse ajo dëshiron të jetë më e kujdesshme dhe më e matur në këtë, atëherë do të ishte më mirë për të, që ta lexoj Kuranin në këtë kohë (gjatë menstruacioneve) vetëm atëherë kur është e domosdoshme për të dhe kur ajo ka nevojë për të lexuar ashtu si përmendëm disa raste me lartë.

Vërejtje: Ajo që do të ishte e nevojshme të përmendet në këtë vend është çështja e prekjes së Kuranit me dorë nga femra me menstruacione. Për shkak se nëse thuhet se asaj i lejohet të lexoj Kuran nuk do të thotë se asaj i lejohet edhe prekja e Kuranit me dorë gjatë menstruacioneve. Prandaj këto dy gjëra janë të ndara. Prekja me dorë e Mus`hafit (Kuranit) për gruan me menstruacione është e ndaluar. Dhe për këtë argumentojmë me ajetin e përgjithshëm ku Allahu i Lartësuar thotë: “Atë (Kuranin)

nuk e prekin vetëm se të pastrit”. Vakia, 79.
Për këtë, kur themi se lejohet leximi, është për qëllim leximi përmendësh, përsëritja ose dëgjimi nga dikush që lexon. Kurse nëse ajo duhet ta përdor Kuranin gjatë përsëritjes, atëherë duhet të ketë kujdes mos ta prek me dorë direkt, por të vej dorëza dhe ta shfletoj me dorëza, ose ta shfletoj atë me diç tjetër.
Kurse nëse ajo lexon ndonjë libër që përmban ajete të Kuranit, ose Kuranin me përkthim ose Kurani me komentim, atëherë lejohet ta prek atë, pasi që Kurani i cili është i ndaluar të preket nga gruaja me menstruacione është Mus`hafi ku gjendet e mbledhur vetëm fjala e Allahut dhe jo librat tjera ku kemi edhe shkrime tjera. Allahu e di më së miri!

NËSE FAMILJA NUK MË LEJON T’I KRYEJ OBLIGIMET FETARE...

Pyetja:

Nëse familja nuk më lejon të falem, të agjëroj dhe t’i kryej obligimet tjera fetare me të cilat na ka urdhëruar Allahu, çfarë duhet të bëj?

Përgjigjja:
Kur është në pyetje ky problem duhet pasur parasysh disa gjëra:

E para: Ekziston një rregull në Islam sipas të cilit nuk tregohet respekt dhe dëgjueshmëri ndaj krijesës (njeriut) në llogari të respektit dhe dëgjueshmërisë ndaj Krijuesit (Allahut). Andaj kur të vijë në pyetje konfrontimi mes asaj që prej neve kërkon Allahu dhe asaj që prej neve kërkojnë të tjerët, përparësi duhet dhënë asaj që kërkon Allahu. Me këtë rast vetëm duhet bërë përpjekje që të gjindet modeli që të respektohen urdhërat e Allahut, në rastin konkret praktikimi i rregullave të fesë, duke mos bërë njëkohësisht dëm në raport me familjen, prindërit etj..

E dyta: Prej prioriteteve që duhet të ketë muslimani në kohën tonë është që krahas adhurimit që ia bën Allahut, të mundohet të ndërtojë raporte të mira me rrethin, në mënyrë që ai si musliman të jetë i pranuar për rrethin ku jeton duke filluar nga familja e më gjerë. Këtë gjë ka mundësi ta arrijë me butësi dhe sjellje të mirë, me një fjalë duke dhënë shembull të mirë që do t’i bëntë njerëzit të lakmojnë në Islamin e tij.

E treta: Duhet pasur parasysh se rasti yt është vetëm një sprovë, e jeta pa sprova nuk mund të paramendohet, andaj gjeje metodën më me pak dhembje për ta tejkaluar këtë sprovë, mundohu t’i bindësh se kjo është rruga për të cilën Allahu na ka krijuar, Atij duhet t’i nënshtrohemi dhe ta respektojmë. Namazi dhe adhurimi im nuk bën t’u pengojë juve, sepse ai sjell vetëm dobi dhe prej tij nuk ka asfarë dëmi. Nuk duhet harruar edhe ta lusësh Allahun të të dhurojë rrugëdalje nga kjo ngushtësi. Allahu e di më së miri!

PENDIMI I FSHIN GJYNAHET Pyetja:
Jam një vajzë 25 vjeçare. Që në fëmijëri e deri në moshën 21 vjeç nuk kam agjëruar e nuk jam falur asnjëherë për shkak të përtacisë. Edhe pse prindërit më këshillonin vazhdimisht, unë nuk ua vëja veshin këshillave të tyre. Ç’duhet të bëj tani që më ka udhëzuar Allahu subhanehu ve teala dhe jam penduar për atë kam bërë në të kaluarën?