Pyetje & Pergjigje

Pyetja: Si duhet të veproj nëse bie zilja e derës në kohën që jam duke u falur, e në shtëpi nuk gjendet njeri tjetër përveç meje?

Përgjigjja:
Nëse namazi që po fal është sunet, atëherë mund ta ndërpresësh namazin për të hapur derën, por nëse namazi që po fal është farz, nuk duhet ta ndërpresësh namazin, pos nëse mendon se personi që po troket ka ardhur për diçka të rëndësishme e cila nuk mund të lihet për më vonë.

Nëse ke mundësi që me anën e shenjave (burrat duhet të thonë “subhanall-llah”, ndërsa gratë duhet të përplasin duart) t’i japësh të kuptojë trokitësit se je duke u falur, atëherë kjo është e mjaftueshme. Pejgamberi [sal-lall-llahu alejhi ve sel-lem] thotë: “Nëse imami gabon diçka në namaz burrat duhet të thonë “subhanall-llah”, ndërsa gratë të përplasin duart”.

NDثRPRERJA E NAMAZIT, zilja, thirja

Pyetja: Esselamu Alejkum Ve Rahmetullahi Ve Berekatuhu Bismil-Lahirr-Rrahmanirr-Rrahim Vella Bekir Allahu ta forcofte imanin dhe ta shtofte diturine e dobishme.Deri pak kohe me pare e dija qe e qeshura me ze ne namaz ta prish ate.Por nje vella tjeter me tha qe per kete gje nuk ka asnje argument dhe namazi nuk prishet por eshte jo i plote.A mund te me sqarosh sesi qendron e verteta dhe nqs namazi prishet cili eshte argumenti per kete gje. Allahu ta shperblefte Selam

Përgjigjja:
Falëndeoj All-llahun, paqa dhe bekimi qofshin mbi Muhammedin.
Ashtu siç të kanë thënë se të qeshurit nuk e prish namazin, sepse nuk ka argumnet për këtë. I vetmi argumnet që mund të vlen në këtë rast është sepse nuk është vepër e namazit, mirëpo kjo asesi nuk do të thotës e çdo vepër që nuk është e namazit ta prish namazin, sepse në kohën e namazit ka pasur raste kur njeriu ka folur në namaz, siç është rasti me Muavije ibn Sulem el-hakemiu dhe Pejgamberi alejhisselam nuk i ka thënë ta përsërisë namazin, sepse kjo ka ndodhur pa dashje dhe pa dije.
edhe të qeshurit nëse ndodh në namaz ndodh pa dashje, sepse njeriu nuk lidhet në namaz nëse është duke u qeshur, por ndodh se hy në namaz dhe ndërkohë i vjen të qeshurit.
All-llahu e di më së miri.

Pyetja: si duhet te vepron nje person i cili e ka len namazin 1 muaj?

Përgjigjja:
E Falënderojmë All-llahun, kurse paqa dhe bekimi qofshin mbi Muhammedin alejhisselam.

Es-selamu alejkum ve rahmetull-llahi ve berekatuhu

Vëlla i nderuar!

Nëse një musliman e ka lënë namazin një muaj me qëllim, ky njeri duhet të pendohet thellë dhe të vendosë që kurrë mos ta lë namazin dhe të fal namazet që vijojnë.

Ata që i kanë mbetur pa falë, nuk i kompenzon.

Sepse lërja e namazit është afër kufrit është mëkat shumë i madh, i cili nuk mund të falet përveç se me teube të sinqertë.

shiko edhe këtë material rreth lënies së namazit:
http://www.albislam.com/tema/tema.asp?NrTema=10

Pyetja: A ma mir me u fal me tekbire apo pa tekbire?

Përgjigjja:
E Falënderojmë All-llahun, kurse paqa dhe bekimi qofshin mbi Muhammedin alejhisselam.

Es-selamu alejkum ve rahmetull-llahi ve berekatuhu

Vëlla i nderuar!
Sipas argumenteve që i kemi para vehtes, pa dyshim se falja me tekbire është më mirë se sa pa tekbire, sepse kështu është falur Pejgamberi alejhisselam.
Më gjërësisht rreth kësaj mund të gjeni në librin "Forma e namazit të Pejgamberit alejhisselam", të shejh Albanit, rahimehull-llah.
All-llahu e di më së miri.

Pyetja: Një grua shtatzënë në muajin e nëntë vuan nga pikimi i pandërprerë i urinës. Për këtë shkak ajo e la faljen e namazit në muajin e fundit të barrës. A është e lejueshme kjo gjë? Nëse jo, ç’duhet të bëjë ajo?

Përgjigjja:
Përgjigje: Në raste të tilla gruaja nuk duhet ta lërë namazin, por duhet të falet duke marrë abdest për çdo namaz e duke pastruar vendin nga ku del urina me një copë të pastër, ashtu siç vepron edhe gruaja mustehada. Asaj i lejohet që të bashkojë namazin e drekës me të ikindisë dhe namazin e akshamit me atë të jacisë, ashtu siç i lejohet edhe gruas mustehada.
Ajo duhet t’i zëvendësojë të gjitha namazet e lëna në muajin e fundit të barrës dhe të pendohet për atë që ka bërë, duke vendosur që të mos e përsërisë herën tjetër këtë gjynah. All-llahu [subhanehu ve teala] thotë: “Pendohuni tek All-llahu, të gjithë ju o besimtarë, nëse doni të shpëtoni”. (El-Enbija:31)

Pyetja: A e kam të detyrueshme faljen nëse ndjej dhembjet e lindjes?

Përgjigjja:
Nëse gruaja nuk është me menstruacione apo lehonë, atëherë falja është e detyrueshme për të. Nëse rrjedhja e gjakut fillon një ose dy ditë para lindjes, atëherë ky gjak konsiderohet prej gjakut të lehonisë. Nëse dhembjet e lindjes nuk shoqërohen me daljen e gjakut, atëherë gruaja duhet të falet edhe nëse ndjen dhembjet e lindjes, pasi ajo është në pozitën e të sëmurit, i cili duhet të falet megjithëse ndjen dhembjet e sëmundjes. Në të njëjtën kohë, duhet të kemi parasysh se askujt nuk i lejohet lënia e namazit, përderisa mendja e tij është në rregull, d.m.th. nuk vuan nga ndonjë sëmundje psikike.

Pyetja: A duhet të falet dhe të agjërojë gruaja lehonë, nëse pastrohet para plotësimit të dyzet ditëve? Nëse i vijnë menstruacionet pas kësaj, a duhet ta prishë agjërimin dhe nëse pastrohet përsëri, a duhet të falet e të agjërojë apo jo?

Përgjigjja:
Nëse gruaja lehonë pastrohet para plotësimit të dyzet ditëve, atëherë ajo duhet të lahet, të falet, të agjërojë Ramazanin dhe, në të njëjtën kohë, i lejohet që të kryejë marrëdhënie seksuale me të shoqin. Nëse rrjedhja e gjakut rikthehet përsëri gjatë 40 ditëshit, atëherë, sipas mendimit më të saktë të dijetarëve, ajo konsiderohet përsëri lehonë, derisa të plotësohen 40 ditët.
Nëse rrjedhja e gjakut vazhdon pas plotësimit të dyzet ditëve, atëherë gjaku që del prej saj është gjak i prishur, andaj gruaja konsiderohet e pastër, d.m.th. asaj i lejohet të falet, të agjërojë dhe të kryejë marrëdhënie seksuale me të shoqin, sepse gjendja e saj është e ngjashme me gjendjen e gruas mustehada. Ajo duhet të pastrohet dhe të vendosë një copë të pastër brenda vendit të daljes së gjakut, për të penguar daljen e tij, ashtu siç duhet të marrë abdest për çdo namaz, sepse kështu ka urdhëruar Pejgamberi [sal-lall-llahu alejhi ve sel-lem].
Kur t’i vijnë menstruacionet, ajo duhet të lërë namazin, agjërimin dhe kontaktet seksuale me të shoqin, derisa të ndërpritet plotësisht rrjedhja e gjakut.

Pyetja: A lejohet që të falet namazi i natës duke parë në Kur’anin e hapur, sepse unë nuk di shumë sure përmendësh, por dëshiroj që, gjatë namazit të natës, të përfundoj leximin e tërë Kur’anit?

ërgjigjja:
Një numër i madh dijetarësh janë të mendimit se kjo gjë është e lejuar, pasi Dheukani, shërbëtori i Aishes, ka falur namazin e teravive gjatë muajit të Ramazanit duke lexuar me Kur’an të hapur. (Transmeton Buhariu)Ata që e ndalojnë këtë gjë nuk kanë ndonjë argument të konsiderueshëm, mbi të cilin mund të bazohemi. Nga ana tjetër, jo të gjithë njerëzit janë në gjendje të mësojnë përmendësh Kur’anin, andaj lind nevoja e leximit me Kur’an të hapur, sidomos gjatë namazit të natës dhe namazit të teravisë. NAMAZI I NATثS DHE LEXIMI Nث KUR’AN

Pyetja: A merr gjynahe ai person që e fal namazin e sabahut dy orë para namazit të drekës, duke pasur parasysh se gjatë gjithë kësaj kohe ka qenë në gjumë?

Përgjigjja:
Vonimi pa arsye i namazit nga koha e tij nuk është i lejuar. Gjumi nuk mund të jetë justifikim për këdo, sepse muslimani duhet të bjerë të flejë herët, ose të porosisë dikë që ta zgjojë në mënyrë që të zgjohet e ta falë namazin me kohë. Falja e namazit të sabahut pas lindjes së diellit, është tregues i mosdhënies rëndësi faljes së namazit në kohën e tij. Sido që të jetë, muslimani duhet ta falë nëmazin në kohën më të afërt, menjëherë sapo të kujtohet apo të zgjohet.
VONIMI I NAMAZIT

Pyetja: Kur duhet të zëvendësohet namazi i jacisë, nëse më ka zënë gjumi dhe jam kujtuar vetëm pasi kam falur namazin e sabahut? A duhet ta falë bashkë me namazin e jacisë së ditës së ardhshme, apo ta falë menjëherë sapo të më kujtohet?

Përgjigjja:
Në një hadith të saktë Pejgamberi [sal-lall-llahu alejhi ve sel-lem] thotë: “Nëse dikush nuk e falë namazin në kohën e tij për shkak të gjumit apo harresës, atëherë duhet ta falë menjëherë sapo ti kujtohet. Kjo është mënyra e vetme për të kompenzuar namazin e lënë...”. (Transmeton Buhariu dhe Muslimi)Duke u bazuar në hadithin e mësipërm, nxjerrim si përfundim se namazi i lënë nuk duhet të vonohet deri në ditën e nesërme, por duhet të falet sa më shpejt që të jetë e mundur, e madje edhe në kohën kur ndalohet falja e namazit.Nëse dikush kujtohet për namazin e lënë (p.sh. drekën), kur nga koha e namazit pasues (ikindisë) ka mbetur aq kohë sa për të falur një namaz, atëherë, në fillim duhet të falë namazin e kohës (ikindisë), e pastaj namazin e lënë.

Pyetja: Nëse kujtohem gjatë namazit, se rrobat me të cilat po falem janë të papastra, a duhet ta ndërpres namazin dhe t’i ndërroj rrobat?

Përgjigjja:
Nëse dikush falet me rroba të papastra, duke e ditur këtë gjë, atëherë namazi i tij është i pavlefshëm. Në të kundërtën namazi i tij është i rregullt. Nëse kujtohet gjatë faljes së namazit, se rrobat e tij janë të papastra dhe ka mundësi që ta largojë papastërtinë me shpejtësi, atëherë mund ta vazhdojë namazin normalisht, pasi në një hadith të saktë transmetohet se Xhibrili lajmëroi Pejgamberin [sal-lall-llahu alejhi ve sel-lem], kur ky i fundit ishte duke u falur, se nallet me të cilat po falej ishin ta papastra, andaj ai i hoqi ato dhe nuk e ndërpreu namazin.Nëse për të larguar papastërtinë duhet të hiqen, fjala vjen pantollonat, kanatierja, të mbathurat apo diçka tjetër për heqjen e së cilës duhet bërë shumë lëvizje, atëherë duhet që, pasi të hiqet rroba e papastër, të fillohet namazi nga fillimi.

Nje pyetje !

A mirret gruja e vllaut ne islam pas vdekjes se vllaut dhe a duhet të martohet femra edhe pse akoma eshte e mitur .
Pres pergjegjje

Psikolog. Sikurse ne fene tende kristjane edhe ne Islam merret gruaja e vellait pasi te kete vdekur ai po ne ndryshim me fene tende nuk eshte e detyrueshme sikurse eshte ne fene tende madje eshte turp po nuk e more gruan e vellait tend pasi te vdesi ai lexo biblen per me teper.

C fare mendimi keni rreth temes se mersiperme dhe cfare mund te thoni rreth Haditheve dhe Ajeteve te Kur'anit persaiperket gjendjes se gruas ne islam ... ?

All-llahu ju ju shperblefte edhe ju ndihmofte te gjitheve