VRASJE” vdekja e Michael Jackson

Dimensione thriller po merr çështja e vdekjes së “mbretit” të pop, Michael Jackson. Autopsia tregoi se organizmi i “mbretit” kishte pranuar dozë të fortë anestezie propofol, fakt i cili i drejton Autoritetet të flasin tashmë për vrasje dhe jo vdekje të natyrshme. Nëse kjo është e vërtetë, atëhere gjërat për mjekun personal të Jackson fillojnë të vështirësohen shumë. Bëhet fjalë për Conrad Murray, personin që ishte bashkë me këngëtarin e famshëm natën fatale, për të cilin sipas njoftimeve u lëshua urdhër - hetimi në banesën e tij. Në fletë urdhër theksohet se, sipas thënieve të Murray, Jackson merrte trajtim, duke përdorur propofol për gjashtë muaj me rradhë pasi vuante nga pagjumësia. Doza e zakonshme që i kishte përcaktuar ishte 50 ml me injeksion intravenoz. Megjithatë, ai pohoi se së fundmi mundohej të reduktonte varësinë e yllit të pop nga ilaçi, duke i dhënë vetëm 25 ml. Propofol përdoret ekskluzivisht si anestezi spitalore, dhe zbulimi i niveleve vdekjeprurëse në organizmin e Jackson, dëshmon se Murray përgjegjësohet për vdekjen e këngëtarit, i cili tashmë përballet me akuzat për vrasje.