Strategji e gabuar

Thashethemet në lidhje me nominimet apo edhe me personat të cilët duhet të ishin të nominuar, janë e vetmja bisedë mes banorëve. Disa prej banorëve mendojnë se edhe vetë i kanë bërë gabim llogaritë dhe se duhej të kishin nominuar të tjerë persona. Kështu, Erioni shprehet se ata duhet të kishin menduar për Eduardin si një alternativë të mundshme, pasi ai e sheh atë si një spiun që fillimisht qëndroi me këtë grup për të blerë informacion e më pas shkoi e i tregoi tek grupi tjetër. Ai tregon se dhe në dhomën e rrëfimit, kur po jepte kandidaturat ishte në mëdyshje për Edin dhe Pamelën, por duke menduar se atë nuk do ta kishte nominuar asnjë tjetër, vendosi për Pamelën. Erioni e përcakton Eduardin si më të dëmshimin në shtëpi, e jo si njeri të dashur sic e kanë përcaktuar disa të tjerë. Sipas tij, personat e dobët duhen hequr që në fillim. Ai rrëfen edhe se një person tjetër të cilit nuk i beson është Gjimi, por shton se nuk ka për ta vrarë mendjen për lojën; do bëjë lojën e tij deri në fund e duke qëndruar aq sa mund të qëndrojë në shtëpi. Me ta bashkohet edhe Jetmiri i cili tregon se ka dalë në konkluzion se Bertina ka gabuar në nominime që duke mos nominuar Pamelën, ka dalë vetë në nominim. Sipas tij, grupi tjetër ishte i bashkuar tek nominimet, ndërsa ata u përcanë. Gjimi i cili sapo futet në bisedë, duke menduar se si të mund të ndryshojnë strategjinë, propozon të bëjnë një lojë: të debatojnë me njeri-tjetrin e për gjithë javën të mbajnë distancë, kështu situata do coroditet dhe nominimet e javës tjetër do jenë krejt të ndryshme nga këto. Por askush nuk bie dakord me idenë e tij, pasi u duket lojë e pisët që të shtiren. Gjithsesi, ai propozon që secili të bëjë lojën e vet pavarësisht grupit si dhe sëbashku me Jetmirin, mendojnë që të afrohen më shumë me grupin tjetër, ndërsa ky i fundit porosit që të mos shpërndahen më në nominimet e javës tjetër.