Lajme nga bota Islame

Duhet të bëjmë një vërejtje ku, për fat të keq, shumë nga njerëzit të vetëquajtur "hoxhallarë" pretendojnë se e bëjnë këtë, por ata në realitet nuk kanë lidhje me shërimin e lejuar "Errukje sherije" (Kështu quhet forma e lejuar e shërimit nga Kurani dhe suneti. Fjala "rukje" do të thotë "mbrojtje"), por esencë e veprimeve të tyre janë vetë magjitë dhe bashkëpunimet me shejtanët.
Nuk do të zgjerohem më shumë në këtë, por e bëra këtë vërejtje duke e parë se si njerëzit nga injoranca janë dhënë pas këtyre njerëzve. Për këtë ka nevojë një qasje më e saktë dhe një sqarim më i detajizuar, për të cilin shpresojmë se dikush nga hoxhallarët që merren me këtë fushë do të punojë në nxjerrjen e një shkrimi që do t'i njoftojë muslimanët e zakonshëm rreth formës së saktë të saj dhe tërheqjes së vërejtjes rreth formave të ndaluara që praktikojnë disa.

Arton, me duket se po persëris por t'kam thën,. pse me ofendon mua, 5 pare si jap,.. por t'ma ofendojshë Zotin timë i cili eshte edhe i yti, Profetin, të dërguarin e Allahut, po e ofendon tër njërzimin, në fakt edhe mua ! Respekti, meritohet.

Ahahahaa mua kepa nuk po me kerset as per Allahun, e lere me per ndonje hoxhe. Shume logjike kjo.. Por nejse, pa organe perkatese nuk verehet as kjo.
Ngo tash. Po e shoh qe nuk deshiron apo nuk mundesh te pergjigjesh ne pyetjen qe ta bera. Pra pyetja per ty ishte: a e din qe ne xhamine e ketij hoxhes, per te cilin po flasim, pra i cili e ka lansu anoncin qe e ceka me larte, shkojne shume besimtare? Ndoshta me mijera muslimane besojne se ai hoxhe vertete mund t´u ndihmoj ne lidhje me semundje rreth shatzenise dhe magjise se zeze me ane te Kuranit. Perndryshe nuk do te ishte publikuar nje oferte per sherim te keso semundjeve ne nje gazete (shqiptare). Pra ti (tani) e din qe ky hoxhe ka ndoshta nje numer poaq te madh te besimtareve te tij, sa edhe ai hoxha, tek i cili i ben ti sherbimet tua fetare. Perkunder kesaj ti prap se prap i jep vetit te drejte te hudhesh poshte predikimet apo praktikat e ketij hoxhe, i cili poashtu si hoxhet tjere me Kuran ne dore ofrojne sherbime fetare. E ketu deshta te te shpiej une ty. A po e veren se as ti s´je ndyshe si une? Ti e refuzon nje hoxhe, per shkak se ke pervojen tende jetesore e arsimore, e cila nuk ta pranon nje predikim qe e ben ai hoxhe. Te njejten e bej edhe une, vec se ne nje permase me te madhe: Une predikimet e asnje hoxhe nuk i shoh si te pershtatshme me bindjet e mia politike, etike, sociale e filozofike. Pra as predikimet e atij hoxhes tend. Sikur ti qe i jep vetit te drejten te refuzosh nje hoxhe, duhet te pranosh te drejtene tjereve te refuzojne hoxhen tend, apo edhe religjionin tend ne teresi. Pra ne te ardhmen mbaj shputat qehte e mos u terb kur te lexosh shkrime nga une. Sikur une qe po ta jap te drejten te refuzosh te gjitha ato institucione apo figura historike apo aktuale, te cilat une i cmoj.

Princi planifikon të ndërtojë një metropol prej 300 miliardë dollarësh
Princi Fahd bin Sultan, këtë vit do të nis ndërtimin e asaj që ka për qëllim të jetë si një vitrinë ekspozuese e Arabisë së Re Saudite.
09.07.2007 13:01



Nga: A. Craig Copetas

Qershor 2007

Në Mbretërinë e Arabisë Saudite era e ndryshimeve ndihet në ajër.
Guvernatori Regjional i Tebukut Princi Fahd bin Sultan, këtë vit do të nis ndërtimin e asaj që ka për qëllim të jetë si një vitrinë ekspozuese e Arabisë së Re Saudite: Të një metropolisi multikulturor që do të kushtojë 300 miliardë dollarë dhe do ti joshë 700,000 banorë nga e tërë bota.
Ndërtimi i këtij dhe të pesë megaqyteteve tjera është paraparë të finalizohen nga vitet 2020 dhe do të financohen nga burime të ardhurash nga petroli. Pesë familjet e mëdha në Lindjen e Mesme posedojnë rreth 60 përqind të naftës botërore, dhe Shtëpia e Saudëve kontrollon më tepër se një të tretën e kësaj sasie, bazuar në Robert Baerin, ish oficerin e CIA në Lindjen e Mesme.
Njëri prej këshilltarëve të princit është 30 vjeēari Fahd al- Rasheed, guvernator i qyteteve ekonomike në Autoritetin Gjeneral të Investimeve të Arabisë Saudite me bazë në Riad, organizatë që qëndron prapa projektit të ri të Tebukut dhe të pesë qyteteve tjera.
"Ka shumë kritika kundër nesh" thotë al-Rasheed, i ulur pranë tij në aeroplanin privat në rrugë për tu takuar me princin Fahd është magnati i ndërtimeve dhe arkitekti i Tebukut të Ri, Bahaa Hariri, djali i kryeministrit të vrarë të Libanit, Refik Hariri.
"Ata janë xhelozë ndaj suksesit tonë" thotë al-Rasheed, i cili ka magjistruar në Administrim të Biznesit në Universitetin e Standfordit. " Spjegimi i planit të Tebukut të Ri është pak kompleks. Aspekti kryesor i kritikave është prurja e njerëzve të cilët do të kuptonin shpirtin tonë dhe kulturën tonë duke jetuar dhe punuar në qytetin e ri."
Sipas planit të Haririt furnizimi i energjisë të këtij megaqyteti në Detin e Kuq do të bëhet përmes energjisë solare dhe turbinave të erës. Do të përmbajë fusha golfi dhe klube jahtash, barabar me zona banimi dhe villa pushimi. Karburanti i lirë Saudit do ti furnizojë parqet industriale që do të shtrihen në shkretëtirën vështirë të kultivuar deri tani.
" Do të organizohen kushtet më të larta të jetës dhe të punës." thotë Hariri " Interesi i ardhjes së kompanive të huaja këtu do të jetë qasja ndaj naftës së lirë saudite dhe me këtë ata do ta kursejnë 50 përqind të shpenzimeve të tyre."

http://www.bloomberg.com/apps/news?pid=20601088&sid=a6zWE3eTKU4w&refer=home

Olimpiada, nxënësit e Medresesë së Shkodrës kampion me 10 çmime
Nxënësit e Medresesë së Shkodrës, kanë qenë fituese të 10 çmimeve në konkursin kombëtar të zhvilluar gjatë vitit shkollor 2006-2007
10.07.2007 09:08




Nxënësit e Medresesë së Shkodrës, kanë qenë fituese të 10 çmimeve në konkursin kombëtar të zhvilluar gjatë vitit shkollor 2006-2007, ndërkohë që gjatë së njëjtës periudhë, shkolla ka shënuar rezultate të shkëlqyera. Kështu u shpreh në një ceremoni të organizuar të enjten (05.07.07) , në përfundim të këtij viti mësimor, Astrit Dervishi, drejtor i shkollës së mesme të përgjithshme jopublike "Haxhi Sheh Shamia", dega e vajzave.

Në ceremoninë e organizuar me këtë rast, ishin të pranishëm dhe përfaqësues nga Drejtoria Rajonale e Arsimit në Shkodër, pushtetit lokal, përfaqësues të shoqatës "Istanbul", që mbështet financiarisht këtë shkollë dhe Ambasada Turke në Tiranë. Dervishi evidentoi në fjalën e tij, se në konkursin e shtatë kombëtar të lëndëve shkencore dhe fetare, për vitin shkollor 2006-2007, nxënëset e kësaj shkolle kanë fituar 10 çmime, ndër 28 të tilla.

Ai përmendi nxënësen e vitit të parë, Anila Zyberi, si fituese të vendit të parë në konkursin kombëtar të Matematikës dhe Kimisë, nxënësen e vitit të katërt, Gledis Shaba, fituese e vendit të parë në provimin e Matematikës, nxënësen Ifaket Dani, fituese e vendit të dytë në konkursin e Fizikës, etj. "Shkolla e mesme e përgjithshme "Haxhi Sheh Shamia", e çelur 15 vite më parë, gëzon statusin parauniversitar dhe ka krijuar fizionominë e plotë si një shkollë 9-vjeçare dhe e mesme në qytet dhe më gjerë. Në të japin mësim ish-medresistë dhe pjesa më e madhe e tyre, janë sot teologë, ekonomistë, informaticienë, mjekë, etj.",- vijoi drejtori, Dervishi. Në këtë ceremoni folën dhe drejtues të pushtetit lokal dhe Drejtorisë Arsimore, të cilët përgëzuan punën e mirë të stafit mësimdhënës në këtë shkollë .

Ne Rihapjen e Xhamis se Kuqe ne Islamabad ket te premte mbas disa kohe qe ishte jasht funksionimi,fetaret fanatik e pershendeten rihapjen me sulm vetevrases qe shkaktoj humbjen e jetes te ma se 13 personave dhe te ma se 50 te lenduar.Te ben me mendua se ne se besojn keta njerz?A keshtu mesohen nga ligjeruesit e sektave.lexoni artikullin:http://news.google.com/news/url?sa=t...cid=1118597137

Prifti i çan kokën me levë fqinjit

Kishin mosmarrëveshje për paratë e rrugës së saposhtruar të lagjes

http://www.gazeta-shqip.com/artikull.php?id=23467


75-vjeçari Thoma Hajdhi nga Lukova ka qenë shumë pranë "bekimit"
të fundit të priftit, pas goditjes që ka marrë në kokë paraditen e
djeshme në qendër të fshatit. Ai është paraqitur në Komisariatin e
Sarandës me fytyrën dhe këmishën të mbuluar nga gjaku dhe me një të
çarë të madhe në çaçkë të kokës, të shkaktuar nga goditja me mjete
të forta.

Aleks Menaj, oficer i policisë gjyqësore në Komisariatin e Policisë
së Sarandës ka qenë personi zyrtar që ka marrë denoncimin e të
dëmtuarit. Menaj ka vendosur kryerjen e ekspertimit mjekoligjor,
para procedimit me autorin e veprës penale të goditjes me sende të
forta që, sipas 75-vjeçarit, ka qenë një levë metalike, me të cilën
është gjuajtur.

Nga ky ekspertim ka rezultuar se plaga në kokën e 75-vjeçarit është
shkaktuar nga një mjet i fortë dhe ka një gjatësi prej 8
centimetrash. Plaku nuk ka pësuar frakturë në kafkë dhe për këtë
arsye, dëmtimi i tij është konsideruar plagosje e lehtë. Duke
arritur në këtë përfundim, Policia e Sarandës ka vlerësuar se nuk ka
qenë e nevojshme të shoqërohet apo ndalohet prifti i akuzuar.

Ngjarja ndodhi pas meshës së Shënepremtes, që prifti i Lukovës,
Aleksandër Mëhilli, ka dhënë dje për besimtarët në kishën e Lukovës.

Thoma Hajdhi, banor i vjetër i Lukovës dhe bashkëfshatar me uratën,
tregon se ishte në sheshin e fshatit, kur prifti kaloi aty pranë
duke ngarë me shpejtësi "Jeep"-in e tij dhe duke e mbuluar vendin me
shtëllunga pluhuri, çka i ka revoltuar të gjithë. Pas pak prifti
është kthyer sërish, duke demonstruar të njëjtën gjë. "Unë e kuptova
që e kishte me mua, ngaqë një ditë më parë i kisha përsëritur
kërkesën për të më dhënë paratë e papaguara për shtrimin e rrugës që
e çon te shtëpia e tij, ngjitur me hotelin tim", tregon Thoma
Hajdhi.

I moshuari thotë se e ka këshilluar priftin të ecë ngadalë e të mos
ngrejë pluhur. Por përgjigjja e njeriut të Perëndisë nuk ka qenë me
fjalë. Ai ka shkuar në një kthinë punëtorësh, ka rrëmbyer që andej
një levë dhe ka qëlluar me të në kokë të moshuarin. "Isha i fortë që
u mbajta. Më mbuloi gjaku dhe kjo do ishte dita e fundit e jetës
sime, po të mos më tërhiqte nipi, djali i djalit, nga goditja e
dytë", tregon Thoma Hajdhi.

Duke hequr kapelën me njolla të kuqe gjaku, ai tregon plagën që ka
marrë nga prifti i fshatit. "Ma ka bërë kokën paça", thotë ai, duke
e quajtur këtë, "vepër të një njeriu të pashpirt, që nuk duhej ta
bënte edhe sikur të t`i kishin rënë më qafë"

"Me sa duket, nuk kanë ç`i duhen më të gjallët uratës, qofshin edhe
besimtarë të Zotit e të meshave të tij, - thotë i dëmtuari - pasi ai
dhe gruaja e tij, Lida, kanë tani një firmë funeralesh dhe fitojnë
më shumë nga varrimet sesa nga bekimet".

Përhapja e Islamit në Evropë e kërcënon identitetin Evropian


Në deklaratën e Vatikanit është pohuar se përhapja e shpejtë e vlerave të fesë Islame e kërcënon identitetin e Evropës.
27.07.2007 09:50

Në intervistën e dhënë në njërën prej revistave gjermane drejtori i shkrimeve të papës, Georg Gainswein, ka potencuar se është duke u rrezikuar identiteti i kontinentit Evropian dhe "nuk mund ta mohojmë këtë realitet për iniciativat për përhapjen e fasë Islame në Evropë".

Rritet numri i xhamive në Evropë






Gazeta amerikane ''Krischen Sajens Monitor'' në numrin më të ri shkruan se ndërtimi i një numri të madh të xhamive në Evropë dëshmon për rritjen e islamit në kontinentin e vjetër.




Xhamia në Bonn-Germani




"Rritja e islamit në Evropë në krahasim me dhjetë vitet e kaluara është jashtëzakonisht e shpejtë", thuhet në këtë gazetë, dhe shton se "rritja e islamit në këtë kontinent ruan harmoninë dhe solidaritetin e madh mes muslimanëve".
Sipas Arkivit Qendror Islamik në Gjermani thuhet se në këtë vend janë ndërtuar 159 xhami dhe se 184 tjera janë duke u ndërtuar.
Para disa viteve në Gjermani ekzistonin vetëm disa dhjetëra xhami.

Njoftohet se Xhamia historike Muradije në Rodos e cili ka ngelur që nga periudha e Osmanëve, do të kthehet në kishë.

Njoftohet se po punohet që Xhamia historike Muradije në Rodos e cila ka ngelur nga periudha Osmane, të kthehet në kishë duke u restauruar me fondet e BE-së.

Është lajmëruar se Xhamia Muradije e cila gjendet në pikën ku bashkohen rrugët Mela Paulou dhe Riga Fereou në zonën Rodini në ishullin Rodos ka filluar të kthehet në kishë me qëllim për të shërbyer si kishë me emrin "Shtëpia e Qipros".

Sipas njoftimeve thuhet se Xhamia Muradije në Rodos ishte e xhematit Mysliman Turk dhe se në fillim të vitit 1970 i është lënë Kryeipeshkvisë së Rodosit nga drejtuesit e xhematit të cilën ishin vënë në detyrë nga administrata Xhunta e asaj kohe. Më vonë u bë e qartë se kryeipëshkëvia po fillon ta kthejë në kishë.

Buxheti Është nga Fondet e BE-së

Po ashtu është njoftuar se financimi i punimeve të restaurimit të xhamisë që duan ta kthejnë në kishë, sigurohet me fondet e Bashkimit Europian. Njoftohet se me një buxhet prej 400.000 eurosh nga fondet e Bashkimit Europian në lidhje me projektin në fjalë, janë shkatërruar kubbet dhe janë ndërruar dritaret e xhamisë.

Po ashtu janë shkatërruar varret turke që janë në oborr të xhamisë, gurët e varreve janë shkulur nga vendi dhe se i është ndërtuar një çati e re e cila i përket arkitekturës Japoneze. Kjo ndërhyrje e parisë së kishës dhe e autoriteteve Greke, në vend të një mentaliteti që përfshin vëllazërinë e popujve që u përkasin feve të ndryshme dhe respektin reciprok ndaj elementeve fetare, u është drejtuar zhdukjes së vlerave të Myslimanëve dhe kjo është vlerësuar si një shkelje ndaj lirisë fetare.

Veçanërisht, përdorimi i fondeve të Bashkimit Europian për projektin në fjalë, bie në sy si një dimension tjetër interesant i kësaj çështjeje.

Gjithashtu përdorimi i burimeve të Bashkimit Europian me qëllim për të fshirë nga faqja e dheut këto vepra dhe për të ngritur vlerat kristiane në një kohë kur është e nevojshme që fondet e Bashkimit Europian të përdoren për mbrojtjen e këtyre veprave historike dhe kulturore të cilat janë pasuri kulturore, është edhe kundër parimeve dhe principeve të Bashkimit Europian.

Në një kohë kur Turqve nuk u jepet leje për të përdorur fondet e Bashkimit Europian, atje jepen fonde për shkatërrimin e xhamisë.

Menjëherë pas njoftimit për këtë ngjarje, kryetari i Federacionit Turk i Trakjas Perëndimore, në një fjalim të tij e dënoi këtë projekt. Ai tha se përdorimi i fondeve të Bashkimit Europian për të shembur një xhami në një kohë kur Turqve të Trakjas Perëndimore nuk u jepet leje për ti përdorur ata është diskriminim.

Jeta e Ded Gjo Lulit


Nga Gjoleke Gjonlekaj



E shane, e torturuan, pastaj e vrane dhe me ne fund e
masakruan. Dhe per t'i humbur gjurmet e atij krimi monstruoz e
qiten ne shpelle.

Ky burre shqiptar kishte shkuar atje ne Orosh te Mirdites per
bisedime, edhe pse kishte nje parandjenje se atje do te vritej.
Testamenti i nenshkruar nje dite me pare se te nisej tregon
parandjenjen e tragjedise se tij, pavaresisht se te gjithe e kishin
keshilluar qe te mos shkonte.

Por Dede Gjo' Luli ua kishte dhene fjalen krereve te Mirdites.
Ishte dite fatkeqe e shtatorit kur u vra trimi legjendar i
Shqiperise, Dede Gjo'Luli i Hotit.

Ate dite u shua nga qielli shqiptar nje yll i lirise kombetare. E
vrane ata qe e vrasin kombin shqiptar tash 1300 vjet.

Dede Gjo' Luli lindi ne Traboin te Hotit ne vitin 1840. Ishte bir i
nje prej familjeve me fisnike te Malesise, dere e permendur brez
pas brezi. Hoti ka nje te kaluar te shkelqyeshme. Historianet
thone se ishte nje nder krahinat me te organizuara ne gjithe
Shqiperine ne Mesjete.

Bile Millan Shufllaj, shkruan se organizimi ushtarak i Hotit ka
filluar ne shekullin XIV. Shtepia e Dede Gjo' Lulit, ka qene dere e
pare neper shekuj. Traboini dhe krejt Malesia gjithmone ka
gezuar respekt per kete familje fisnike.

Dede Gjo' Luli u rrit dhe u be burre ne Bardhaj te Hotit ku edhe
sot e kesaj dite ruhen me mire se kudo tjeter traditat me fisnike
te races arberore.

Qysh i ri mori pjese ne lufterat per lirine e tokave shqiptare.
Merrte pjese ne te gjitha kuvendet me rendesi. Ne moshen 21
vjecare u kishte prire djemve te Hotit per te shpetuar Oso Kuken
nga flaka e barotit ne Kulle te Vranines.

Cun Mula dhe Dede Gjo' Luli perfaqesuan Hotin ne Lidhjen
Shqiptare te Prizrenit. Edhe atehere Deda ishte i ri por shume i
pjekur.

Nga pjesemarrja ne luftera dhe ne kuvende shihet mirefilli se
Dede Gjo' Luli ishte atdhetar e trim. Zoti e kishte pajisur me keto
cilesi fisnike. Roberine shekullore otomane dhe coptimin sllav te
tokave shqiptare i kishte plage ne zemer.

I dridhej toka nen kembe, ndersa qielli shqiptar qante per ato
padrejtesi dhe mallkime qe kishin rene mbi dheun e shenjte te
arberit.

Nga ato male te larta shqiptare, me syte e shqiponjes, i shikonte
te gjitha ato tragjedi ne veprim. Marreveshjen turko-sllave per
coptimin e tokave shqiptare Dede Gjo' Luli e kishte kuptuar me
mire se asnje prijes tjeter shqiptar, per faktin se kurre nuk ka
qene aleat i tyre.

Periudha para dhe pas Lidhjes se Prizrenit ishin deshmi per Dede
Gjo' Lulin se kombi shqiptar i roberuar mund te zhdukej nga
faqja e dheut. I kishte kuptuar shume mire intrigat turke dhe
pasionet e cmendura sllave. Ceriku i fundit i shekullit XIX, kishte
qene shume fatkeq, sepse gjate kesaj periudhe gjysma e
Shqiperise se roberuar nga otoman-t kishte rene nen sundimin
sllavo-grek. Tashti si burre i pjekur Dede Gjo' Luli ishte i
vetedijshem se cka po ndodh.

E shihte me syte e tij edhe ate gjysme Shqiperie se po shkon
drejt copetimit dhe humneres. Ne fillim te shekullit te kaluar
sllavo-greket, pastaj edhe italianet, nuk lane gure pa levize per
rrenimin e Shqiperise. Ne ate kohe Dede Gjo'Luli ishte burre i
pjekur dhe me pervoje te madhe ushtarake e politike. Keto i
kishte mesuar ne beteja dhe ne kuvende te medha shqiptare sic
ishte Lidhja Shqiptare e Prizrenit.

Politiken dhe diplomacine nderkombetare i kishte mesuar ne
Shkoder ku kishte kaluar nje pjese te rendesishme te jetes. Atje
ishte njohur me patriotet dhe intelektualet me te shquar
shqiptare te Rilindjes. Asnje kuvend kombetar ne Shkoder nuk
behej pa pjesemarrjen e Dede Gjo'Lulit. Shqiperia dhe Kosova e
kishin kuptuar se ky eshte nje prijes i vertete. Njeri qe nuk ishte
korruptuar nga shperblimet dhe titujt e huaj. Tere jeten e kishte
kaluar ne male te Hotit pa bere asnje kompromis. Mbante lidhje
te ngushta me te gjithe patriotet shqiptare ne Jug e ne Veri, ne
Kosove dhe ne diaspore. Sa here e kishte pare shtepine e tij te
djegur shkrumb e hi, por asnjehere nuk u ligeshtua.

Te gjithe e kishin kuptuar se Turqia ishte para shkaterrimit, e
sidomos fqinjte sllave e greke. Ata enderronin se pas largimit te
Turqise do te gelltitnin te gjitha tokat shqiptare dhe sipas tyre
nuk do te kishte me Shqiperi. Por, keto kurthe mizore ballkanike
Dede Gjo' Luli i kishte kuptuar me mire. Pas shume takimesh dhe
bisedimesh me patriotet shqiptare, ky hero legjendar kishte
vendosur te fillonte luften per pavaresine e Shqiperise. Ne
Shkoder, ne Kosove dhe ne gjithe Shqiperine ishte krijuar bindja
se lufta per pavaresi ishte e domosdoshme. Edhe pse i shtyre ne
moshe trimi legjendar i Malesise kishte bere te gjitha pergatitjet
per nje qendrese te vertete.

"E filloi luften me 24 mars te vitit 1911, e cila brenda me pak se
dy vjetesh i solli Shqiperise pavaresine dhe atdheut ma te
madhen nder", thote nje poet shqiptar.

Me 6 prill te vitit 1911 per here te pare ne Bratile te Hotit valoi
flamuri shqiptar i Gjergj Kastriotit. Valoi pas 500 vjet roberie. E
shpalosi dhe u nguli ne koder te Bratiles, Nike Gjelosh Luli i
familjes se Dede Gjo'Lulit. Por ne ate moment Nike Gjelosh Luli
ra deshmor, me flamur te Kastriotit ne dore.

Ne Deciq filloi nje lufte e vertete qe u perhap ne Shqiperi dhe
Kosove. Tere bota e kuptoi se shqiptaret jane gati te bejne
sakrificen me te madhe per atdhe.

Shtypi evropian dhe boteror shkruante cdo dite per trimerine
dhe vendosmerine e shqiptareve. Politika dhe diplomacia
evropiane mesoi shume nga kjo lufte. Ato dite patriotet
shqiptare pergatiten dhe nenshkruan Memorandumin e Greces
qe eshte dokumenti me i rendesishem per pavaresine e
Shqiperise para Shpalljes se Pavaresise ne Vlore me 28 nentor te
vitit 1912. Te gjitha ketyre veprimeve heroike dhe politike u priu
Dede Gjo' Luli me guximin, ndershmerine dhe largpamesine qe e
karakterizonte ne cdo cast historik.

Per lufterat dhe atdhedashurine e tij kane shkurar me shume se
100 autore shqiptare dhe te huaj. Kane shkruar dhe shkruajne
poetet, historianet dhe shkrimtaret me te mire te kombit
shqiptar.

Vendlindja e tij dhe gjysma e Malesise se Madhe gjendet edhe
sot e kesaj dite nen pushtimin serbo-malazez. Kulla e Dede Gjo'
Lulit eshte shnderruar ne nje germadhe. Atje populli shqiptar po
tretet, po asimilohet, po humb te gjitha virtytet fisnike te races
arberore. Politikat e ndryshme ballkanike po e shnderrojne ne
shqipfoles gjysmen e Malesise. Atje vritet per dite gjuha, kultura
dhe historia shqiptare. Ndoshta po pergatitet edhe nje fatkeqesi
tjeter me e madhe.

Deciqi dhe Bratila jane troje shqiptare qe u lane me gjak per lirine
e Shqiperise. Kete e dijne te gjithe historianet shqiptare. Flamuri
i Kastriotit eshte ngritur per here te pare ne Bratile dhe ne
Deciq; atje eshte lare me gjakun e djemve dhe vajzave me te
dalluara te Malesise, ashtu sic eshte lare me gjak Prekazi i
Drenices nga Adem Jashari dhe bashkeluftetaret dhe anetaret e
familjes se tij.

Dede Gjo' Luli eshte nder te paktet brezni luftetaresh qe eshte
shuar me far e me fis per flamur e per liri.

Megjithate politika shqiptare nuk eshte treguar kurre e sinqerte
ndaj atyre qe dhane jeten per lirine e atij vendi. Historianet
shqiptare gati gjithmone kane qene te diktuar nga politika.

Per Bratilen, ku per here te pare u ngrit flamuri shqiptar,
historianet nuk e kane thene fjalen e vete.

Klanet e ndryshme politike kane manipuluar me te verteten
historike te kombit shqiptar. Dihet se ata qe kane pasur
pushtetin kane shkruar historine. Por Dede Gjo' Luli dhe trimat e
tij nuk kane luftuar per pushtet. Deri edhe armiqte e kombit
shqiptar e kane pranuar se Malesia e Madhe eshte nje treve e
vertete iliro-shqiptare qe u eshte nenshtruar te huajve me pak
se cdo krahine tjeter.

Akademite dhe parlamentet shqiptare duhet t'i korrigjojne keto
gabime. Amerikanet nderojne ne menyre te posacme diten e
pavaresise por edhe diten e flamurit te cilin e kane ngritur ne
lufte kunder Perandorise angleze.

Keto jane te verteta historike, pavaresisht se mund te jene te
hidhura. Gjergj Kastriot-Skenderbeu, Dede Gjo' Luli dhe Adem
Jashari jane tri shtyllat kryesore te historise shqitare. Pa emrin e
tyre nuk ka histori te vertete.

Ne fushebeteja per lirine e Shqiperise jane vrare nje dyzine
burrash e gra te familjes se Dede Gjo' Lulit. Ata jane vrare
kunder armiqve te Shqiperise dhe te kombit shqiptar. Ata
meritojne vend me rendesi ne Panteonin e kombit. Edhe entet
fetare pa dallim duhet t'i nderojne dhe te luten per shpirtin e
tyre.

Vitin e ardhshem eshte 90-vjetori i Kryengritjes se Malesise ne
krye me Dede Gjo' Lulin, eshte 90-vjetori i ngritjes se flamurit ne
Bratile te Hotit dhe eshte 90 vjetori i Memorandumit te Greces.
Ne mendojme se keto data historike meritojne nje perkujtim
shume te organizuar dhe solemn, nga i gjithe kombi shqiptar.
Qeveria, akademia dhe diaspora shqiptare duhet t'i akordojne
veprimet e tyre qe ky pervjetor i rendesishem te nderohet ashtu
si i ka hije nje populli te qyteteruar.

E ndoqa me vëmendje emisionin tuaj "Jeta ne Kosovë", mbi mbulesën e femrës
myslimane. Dëshiroj të bëj dhe unë komentet e mia me këtë rast. Në të
vërtetë këto komente, edhe pse të drejtuara ju si drejtuese e emisionit,
janë jo vetëm për ju, por për masën e gjerë, e cila është pro apo kudër
fenomenit të shamisë. Në një farë mënyre, do të mundohem t'i përgjigjem
pyetjeve që ju shtruat në emision, si një shikuese e cila ka të drejtën e
fjalës dhe lirinë e shprehjes, meqenëse ju kërkuat të sjellim në emision
opinionet tona.

Për këtë arsye dëshiroj që komentet e mia ti lexohen teleshikuesve në
emisionin tuaj të radhës.
Së pari dua t'ju "përgëzoj" për ironinë tepër diskriminuese që keni
përdorur në siglën e emisionit tuaj "Dhëndërri i Kosovës". Kjo tregon fare
qartë "vlerat" e gazetarisë shqiptare, vetëm se jo në shërbim të Kosovës e
as të çështjes kombëtare.

Ndoshta gazetaria shqiptare është aq me "nivel të lartë", saqë nuk e ka
lexuar ndonjëherë Kartën e të Drejtave të Njeriut. A e dini ju se liria e
besimit është një nga të drejtat themelore të njeriut që askush nuk mundet
t'a mohojë apo ta shkelë, qoftë ky shtet laik apo sekular? E meqenëse ju
në emisionin tuaj ju referuat botës së civilizuar dhe të qytetëruar po ju
bashkangjis një kopje të Kartës së të Drejtave të Njeriut, të hartuar po
nga ajo botë e civilizuar të cilës i referoheni. Ndoshta ju duket më
bindëse ti lexoni këto fjalë në gjuhën e botës së qytetëruar, prandaj po
jua dërgoj në gjuhën e saj.

"Whereas it is essential to promote the development of friendly relations
between nations,
Whereas the peoples of the United Nations have in the Charter reaffirmed
their faith in fundamental human rights, in the dignity and worth of the
human person and in the equal rights of men and women and have determined
to promote social progress and better standards of life in larger freedom,"

Nëse ka probleme dhe nuk kuptohet gjuha, atëherë mund t'ju vijë në ndihmë
përkthyesja e OSBE-së. Ndoshta me këtë rast masa e gjerë do ta kuptonte
fare qartë se ajo ka mbyluar kokën por jo mendjen.
Emisioni "Jeta në Kosovë" nisi me pyetjen: A do të ndërtojmë një shtet laik
apo fetar?

Me këtë rast, do t'ju pyesja ju si gazetare që keni marë përsipër të
drejtoni një emision si "Jeta në Kosovë": A e dini ju kuptimin e fjalës
shtet laik?? A mendoni se shteti laik ka të drejtë të mohojë të drejtat e
njeriut pikërisht pse është shtet laik? A e dini ju se shteti laik e pranon
besimin dhe nuk përzihet në çështjet e tij?

A keni të drejtë ju si gazetarë me "mendime laike" të fyeni ndjenjat dhe të
mos respektoni të drejtat e asaj pjese të popullsisë së Kosovës që ka
zgjedhur rrugën e besimit? Kush jua jep ju të drejtën që në siglën tuaj, të
talleni me besimin dhe bindjen e të tjerëve? Kush jua jep ju të drejtën të
fyeni femrat e mbuluara? Nëse ndokush ka zgjedhur të rrijë i zbuluar kjo
është zgjedhja e tij, edhe nëse del i paveshur fare. Por kjo nuk i jep
askujt të drejtën të nxisë diskriminimin ndaj besimtareve. Me këtë emision
ju nuk ftoni për stabilizim, por për destabilizim. Qëllimi i emisionit tuaj
mund të çojë ujë në mullirin e gjithkujt por jo në të mirë të çështjes së
Kosovës.

Gjithkush duhet të ketë të qartë se mbajtja e shamisë nuk është propogandë,
por thjeshtë detyrë dhe bindje fetare, ndaj një urdhëri të Zotit të cilin
secili e pranon sipas bindjes së tij personale. Dhe besimi është e drejtë e
gjithsekujt.

Ata që flasin kaq shumë për botën e civilizuar a e dinë vallë se kjo botë e
civilizuar e ka pranuar me kohë lirinë e besimit, të cilin disa individë
apo rryma të caktuara, po kërkojnë ta mohojnë atë ndër trevat shqiptare, në
emër të "qytetërimit" dhe "civilizimit" ? Po qe se do të flisja me gjuhën e
emisionit do të detyrohesha t'ju bëja një pyetje: Nëse shamia na qenka
prapambetje; po lakuriqësia çfarë është? Sigurisht i bie të jetë
"civilizim" sipas mendimit të "shtetit laik". Sot, në botën perëndimore dhe
lindore femrën me shami e sheh aktive në çdo fushë të jetës. Në parlamentin
amerikan do të gjesh femra të mbuluara si anëtare të barabarta të këtij
parlamenti. Në Angli, Hollandë, Danimarkë, Gjermani etj, femrën e mbuluar e
sheh në shkollë në universitet, në sektorin privat dhe atë shtetëror.
Lidhur me këto argumenta do t'ju ftoja të ishit në kontakt me shtypin ditor
të këtyre vendeve. Duke i ditur këto fakte, unë nuk do të guxoja të sillja
shembull botën përëndimore në një emision të tillë.

E sa për mundësinë e vajtjes në plazh, a thua kaq shumë e ha meraku
opinionin tonë për femrat e mbuluara nëse bëjnë apo nuk bëjnë dot plazh?
Lerjani atyre këtë hall se me siguri që e kanë gjetur dhe zgjidhjen.
Sa mijëra femra të zbuluara ka ndër trojet shqiptare që se kanë kanë parë
ndonjëherë detin me sy dhe nuk e kanë shijuar ndonjëherë erën e jodit, për
arsye se nuk kanë mundësi financiare apo për arsyen e thjeshtë se është
"turp" të shkojë femra në plazh, sipas zakonit dhe traditës së maleve tona?
Nëse ju kësaj pyetje i përgjigjeni me; JO NUK ËSHTË E VËRTËTË, atëherë unë
do t'ju sugjeroja të shkonit me kamerën dhe mikrofonin tuaj në malësinë e
Gilanit, Gjakovës, apo dhe në Prishtinë e rrethina. Ndoshta nga ky emision
mundet të më përgjigjeshit më mirë. E pra unë mundem t'jua vërtetoj këtë
fjalën time me mijëra shembuj.

E sa për të faktin që u përmend në emision se mbajtja e shamisë është një
fenomen i ri, mund t'ju argumentoj këtu se shamia nuk është absolutisht një
fenomen i ri ndër trevat mbarëshqiptare. Ajo është mbajtur jo vetëm nga
myslimanet por dhe nga gratë e besimeve të tjera. Po tu hedhësh një
vështrim veshjeve të femrës shqiptare, veri e jug, lindje e perëndim,
myslimane apo jo, të gjitha veshjet tona do ti gjesh me shami. I ri është
fenomeni i mosmbajtjes së shamisë i cili u imponua me dhunë nga regjimet
komuniste që mbizotëruan në trevat tona, pas luftës së dytë botërore, për
disa breza.

Sa për urdhëresën që nxorri ish mbreti Zog dhe që u trajtua nga ju si ligj
për ndalimin e shamisë, dua të qartësoj këtu se ai nuk ishte ligj për
ndalimin e mbulesës, por urdhëresë për mospërdorimin e perçeve dhe
ferexheve (mbulesës së fytyrës) në ambjentet e administratës shtetërore.
Besoj se është e qartë për këdo se administrata shtetërore e Zogut nuk
kishte aspak një nomenklaturë të fryrë me femra, (ajo pothuajse nuk
ekzistonte fare) kjo për shkak të ligjeve të pashkruara të Kanunit dhe të
gjendjes sociale dhe arsimore të femrës së asaj kohe. Por edhe nëse kjo
urdhëresë do të ishte e asaj kategorie siç ju e trajtuat në emision a duhet
të vazhdojmë të mohojmë të drejtat e inividit, të femrës në këtë rast, edhe
sot në shekullin e 21-të ashtu siç regjimet e shkuara kanë vepruar me
femrën shqiptare?

Kam një pyetje për të gjithë ata që e shohin shaminë si gogol: Përse qenka
kaq problem mbajtja e shamisë? A mos vallë ato që mbajnë shami nuk janë të
denja të jenë shqiptare? Nuk janë të denja të marrin pjesë në shoqëri,
arsim, punë, të jenë pjesë e qytetërimit dhe civilizimit? Nuk janë të denja
të jenë nënat dhe motrat tona? Cfarë do të ndryshonte tek ajo nëse nuk do
të mbante shami? A thua nën atë shami nuk është e njejta femër e cila ka
qenë e zbuluar deri dje? Përse femra kur është e pambuluar ka vlera për
shoqërinë ndërsa në momentin që ajo vë mbulesën këto vlera zhduken? Cfarë
ndryshoi vallë tek kjo femër? A thua mbulesa ka vetinë të thajë trurin e
njeriut dhe të humbasë vlerat humane tek individi?

Përse kjo shami nuk përbën ndonjë problem për shoqërinë përsa kohë femra
nuk aktivizohet në jetën shoqërore? Përse problemi fillon pikërisht në
momentin që femra e mbuluar del në publik dhe kërkon të drejtat e saj si
njeri, në rradhë të parë dhe pastaj si pjesëtare e shoqërisë. A nuk
pretendohet nga "të civilizuarit" se Islami është prapambetje? Atëherë
përse shoqëria irritohet kaq shumë kur femra praktikante myslimane kërkon
të drejtën për arsimim dhe integrimin në shoqëri? A nuk duhet shoqëria të
ndihmojë çdo individ të dalë nga prapambetja? Atëherë përse shoqëria e
pengon femrën myslimane "të pacivilizuar" -sipas mendimit laik, të hyjë në
rrugën e civilizimit? Të mbajë apo jo shami kjo është përzgjedhja e saj,
për sa ajo nuk cënon të drejtën dhe lirinë e askujt tjetër. E meqenëse
liria e gjithsecilit fillon atëherë kur nuk cënohet e drejta e tjetrit
atëherë, përse ky reagim kaq flagarant i një pjesë të shoqërisë ndaj
mbulesës? Apo mos vallë kërkimi i të drejtës së individit është një krim
ndaj shoqërisë?

Pyetjes tuaj se a mundet një femër e mbuluar të respektojë shtetin dhe
ligjin, unë do ti përgjigjesha se si çdo anëtar tjetër i shoqërisë edhe
femra praktikante myslimane e respekton shtetin dhe ligjet e tij, për aq sa
dhe shteti dhe ligji respekton të drejtat e saj më minimale, në këtë rast,
lirinë e besimit. Respekti është një fenomen reciprok dhe është detyra e
shtetit më së pari të respektojë të drejtat dhe liritë e qytetarëve të tij.
Ju kërkuat fakte rreth dikriminimit të femrës shqiptare në shoqëri, dhe
pretenduat se femra shqiptare është aq e mirëtrajtuar nga shoqëria sa nuk
njeh asnjë diskriminim, në mënyrë absolute. Po të isha në vendin tuaj nuk
do të flisja me këtë gjuhë. Femra shqipare është e diskriminuar më së pari
në familjen e saj, e pastaj në shoqëri. Ju ftoj te vizitoni faqet e
Organizatës Humanitare " Jeta në Kastriot " dhe më pas do t'u lutesha të më
përgjigjeshit se përse këto gra dhe vajza janë braktisur nga familja, ose
nuk guxojnë të kthehen në familje? C'farë ka bërë shoqëria për to? Sa janë
ato të ingranuara në jetën dhe civilizimin që pretendohet se ekziston? Sa
mijëra e mijëra të tjera qëndrojnë në heshtje dhe nuk ndihen për dhunën dhe
pabarazinë në të cilën jetojnë, qoftë kjo në familje apo në shoqëri? A mos
vallë kjo ju duket civilizim i femrës shqiptare? Pa hidhini një sy
qeverisë; a nuk më thoni sa përqind e saj janë femra, flas për të zbuluarat
se për të mbuluarat as që bëhet fjalë. Po mjaftohem vetëm me këto argumenta
duke shpresuar të kem zgjuar tek ju ndjenjën e gazetarit në kërkim dhe të
bëni nga një emission -të paimponuar- për secilin nga sa përmenda më lart
nga faktet dhe argumentat.

Një tjetër pyetje që u shtrua në emission ishte nëse një besimtar e ndjen
veten mysliman apo shqiptar? Kjo është një pyetje fyese për çdo shqiptar,
qoftë ky besimtar apo jo. Unë që po ju shkruaj jam një myslimane
intelektuale shqiptare, për të cilën feja dhe atdheu janë të pandara, si
ajri dhe gjaku, komponentë këto pa të cilët askush nuk jeton dot dhe aq më
pak dikush të mund të përzgjedhë ndërmjet njërit apo tjetrit. Nuk mundet
asesi të vihet në alternativë zgjedhje një njeri me pyetjen: Cilën nga dy
alternativat do të zgjidhje; të të hiqnim gjakun e trupit, deri ne pikën e
fundit, apo do të të ndërprisnim oksigjenin? Si do ti përgjigjej një laik
kësaj pyetje?

Edhe pse e mbuluar, unë e ndjej vetën po aq shqiptare sa dhe një femër e
zbuluar apo një burrë, e shpesh e ndjej veten më shumë shqiptare se një
pjesë e mirë e atyre individëve që se kanë për gjë të ndërrojnë shtetësinë
apo ju vjen turp të thonë se janë shqiptarë, madje disa nuk flasin as në
shqip jashtë kufinjve të trojeve shqiptare. Mos vallë këta pseudo shqiptarë
janë më të denjë se një e mbuluar për të mbajtur në vetvete emrin shqiptar?
JO, absolutisht JO!!

Duke shpresuar se do të keni mirësinë të lexoni komentet e mia para
publikut do të pres me kënaqësi emisionin tuaj të rradhës. Bashkangjitur do
te gjeni nje kopje te Kartës së të drejtave të Njeriut, në gjuhën angleze.
Ju faleminderit për kohën që më kushtuat.

Me nderime
Jeta Islami
6 Qershor 2007.

Të gjithë njerëzit duhet ta thërrasin Zotin "Allah"

Episkopi romano-katolik në Holandë është i bindur se të gjithë njerëzit e të gjitha besimeve duhet përdorur fjalën arabe "Allah" për Zotin, fjalë e cila përdoret tek krishterët arab, për t'u avancuar mirëkuptimi ndërfetar.



Episkopi Martinus Muskens


"Allah është një fjalë shumë e bukur për Zotin", deklaroi episkopi Martinus "Tiny" Muskens, nga ipeshkvija jugorë Bred, në një show televiziv këtë javë. "A nuk duhet të themi të gjithë se prej sodit Zotin do ta quajmë Allah?!" Ai, gjithashtu, shtoi se në Indonezi, ku kaloi tetë vite, ka shumë kohë që priftërinjtë gjatë meshave përdorin fjalën "Allah". "Në zemër të Sakramentos, Zoti atje thirret Allah, pse edhe ne nuk fillojmë ta bëjmë të njëjtën gjë?"


Episkopi katolik thotë se njerëzit pa kurrfarë nevoje zihen për shkak të terminologjisë së tillë. "Çka i intereson Zotit se si do ta quajmë? Ky është problemi ynë."


Episkopi Muskens është ndarë nga mendimet e liderëve të Vatikanit duke lejuar përdorimin e kondorit si mjet i mbrojtjes kundër sidës. Ai në vitin 2006. ka udhëtuar për në Ugandë për ta përkrahur punën e grupit të ashtuquajtur "Parandaloni sidën sot", e cila është marrë me distribuimin e kondomeve Ai, gjithashtu, sugjeroi se ata që janë të uritur mund ta vjedhin bukën për të ngrënë.


Gerrit de Fijter, kryesues i kishës protestante në Holandë, ka përshëndetur çdo tentim për "krijimin e dialogjeve të shumta". Por, ai nuk e përkrah këtë propozim. "Ta quajmë Zotin Allah nuk është në harmoni me identitetin perëndimor. Këtu nuk shoh kurrfarë dobie", tha të mërkurën për gazetën me tirazhin më të madh në Holandë „De Telegraf“.


Anketa në atë gazetë tregon se 92% nga 4.000 të anketuar nuk pajtohen me episkopin Muskens.


Episkopi Meskens, i cili së shpejti pritet të largohet për shkak të problemeve shëndetësore, pranon se sugjestioneve të tija do t'u nevojiten një apo dy decenie që të jenë të pranuara.


Fjala "Zot" ka kuptimin e dhurimit, drejtësisë dhe aftësisë. Burimi i kësaj fjale mund të gjendet në termin arab „jude“ (Bujari), burimi i së cilës është „jawada“. Ajo është ekuivalent i fjalës angleze "good" (i mirë).


Fjala "Allah", mund të njihet me fjalën angleze "all" (i tërë, i plotë, komplet), gjë që jep njërën ndër karakteristikat më të mira të atributeve të Allahut; I Gjithëdijshmi (All-Knowing), I cili sheh të gjitha (All-Seeing), I Cili dëgjon të gjitha (All-Hearing), I Mëshirshmi (All-Merciful) etj.

Krishterët radikalë kanë djegur xhaminë e qytetit Milano në Itali


Burime italiane të informacionit kanë publikuar fakte se një grup i të krishterëve radikalë kanë kryer akte terroriste kundër xhamisë së qytetit Milano në Itali.
18.08.2007 10:15





















Sipas këtyre burimeve të Italisë mësohet se grupi i quajtur 'Fronti krishter për luftë' ia ka vënë zjarrin dy xhamive të qytetit Milano, 'Segerati' dhe Abjategraso', dhe po ashtu një qendre kulturore të myslimanëve në po këtë qytet.

Ky grup terrorist i krishter ka njoftuar se do t'i vazhdojë sulmet vandale ndaj objekteve fetare dhe kulturore të myslimanëve, me qëllim që t'i detyrojnë ata që të largohen nga shteti i tyre.

Barbara Polasterini, ministër i drejtësisë, ka deklaruar se në këtë grup bëjnë pjesë persona të panjohur, të cilët kanë urrejtje ndaj islamit dhe myslimanëve dhe se organet e sigurisë janë duke i hulumtuar këto akte terroriste.

Lajmet e kesaj dite ne boten Islame,vazhdon si gjdo dite tjeter,simbas lajmeve 20 te vrar ne Palestin,10 ne Egjypt,30 ne Arabin Saudite,50 ne Siri,40 ne Leban,400 ne Irak,500 ne Kurdistan,100 ne Afganistan,30 te ekzekutuar ne Iran,500 te vrar ne Pakistan,100 ne Indi,200 ne Indonezi,10 ne Libi, dy miljon ne Sudan,30 ne Algjeri,10 ne Maroko,50 ne Nigjeri, siq shifet ska ndrrime te jashtzakonshme,populli i ketyne regjioneve po perjeton jeten e lumtur si gjithmon qe e kan tradit dashnin dhe respektin ndaj njeri tjetrit.Te gjitha te ardhunat nga shitja e karkuranteve shpenzohentuj ble dinamita dhe eksplozif qe ta perhapin dashnin dhe paqen ne te gjitha skajet e botes.

“Përse xhamitë plot dhe kishat bosh”


Bashkia katolike franceze po diskuton faktin senë vend xhamitë mbushen plot nga myslimanët ndërsa kishat janë bosh.



Priftërinjt francez të cilët habiten se camitë në francë mbushen plot për shkak se myslimanët i kryejnë adhurimet e tyre në xhami, kanë filluar të kërkojnë përgjigje për pyetjen se përse kishat janë bosh.

Franca ku në të jetojnë 6 milion myslimanë është vendi më me shumë dendësi myslimane në Europë.

Shtohet prirja e priftërinjve evropianë për të studiuar Islamin














Gazeta franceze 'Le Monde' shkruan se priftërinj katolik janë të pritur të studiojnë fenë islame në mënyrë që të mund të kuptojnë realitetin nga trillimet.

Një prift anonim në një intervistë me gazetën 'Le Mond' thekson: "Në lagjen time Kisha është e boshatisur dhe xhamia është plotë. Kjo më shtyn t'i kushtojë një vëmendje më të madhe Islamit".

Ai ka marrë pjesë në seancat mësimore të organizuara nga shërbimi i marrëdhënieve me Islamin që varet nga Konferenca e peshkopëve të Francës dhe për një javë ka studiuar Islamin nga aspekti fetar, historik, shpirtëror, social dhe kulturor.Peshkopët katolikë janë të mendimit se marrëdhëniet me Islamin kanë mbetur sipërfaqësore dhe se Kisha katolike ka frikë të njihet me të vërtetat e Islamit.

Peshkopët francezë kanë krijuar një grup pune për thellimin e dialogut mes katolikëve dhe myslimanëve dhe një prej tyre thekson: "Në kishën katolike marrëdhëniet me Islamin karakterizohen nga ekstremizmi ose indiferentizmi. Prifti francez Roxhe Mishel thekson se neve nuk na kanë mësuar islamin as në shkollë dhe as në kishë, por e dimë mirë se Islami është i gjerë dhe më i thellë sesa propagandohet në perëndim dhe është më se e nevojshme të studiohet kjo fe interesante për të kuptuar ndryshimin mes trillimeve dhe të vërtetës.

Dr. Jusuf El-Kardavi në spital



Është njoftuar se dijetari i mirënjohur Dr. Jusuf El-Kardavi është dërguar në njërën prej spitaleve ushtarak të Algjerisë i cili është nën kurimin e mjekëve.



Mendimtari i mirënjohur dhe kryetari i dijetarëve të unionit ndërkombëtar Dr. Jusuf El-Karadavi është duke u kuruar në Algjeri. Është njoftuar se gjendja e mendimtarit Islam është duke u përmirësuar pas qëndrimit tre ditorë në spitalin ushtarak të Algjerisë.

Supozohet se brenda 48 orëve do të jetë në gjendje të ndahet nga spitali ushtarak të Algjerisë. Gjatë vizitës së tij në Algjeri është dërguar në spital si pasoj e dhimbjeve të mëdha në stomak.

Presidenti i Algjerisë Abdulaziz Buteflika ka pohuar se është duke e përcjellë gjendjen e Dr. Jusuf El-Kardavit nga afër pasi ai është prej mendimtarëve më me ndikim në botën Islame.

Nga gjitha anët e botës dijetarët dhe mendimtarët Islam janë lutur për Dr. Jusuf El-Kardavin.

Nji artikull interesant qe sjell Gazeta Shqiptare:http://www.balkanweb.com/gazetav4/index.php?id=19123

Një grua hebreje pranon islamin



Gruaja 31 vjeçare e cila jetonte në qytetin Akka të Palestinës së okupuar, deklaroi se e ka pranuar Islamin dhe ka gjetur qetësinë në përkuljen ndaj Allahut.




Gruaja hebre edhe përkundër kundërshtimeve të ashpra të familjes së saj zgjodhi Islamin dhe e ndërroi emir në Ajete " Për herë të parë e kam gjetur qetësinë dhe lumturinë në jetën time' shprehet Ajetja e cila pranoi Islamin para një grup dijetarësh musliman duke deklaruar kelime-i shahadetin. Ajetja pretendon se është e gatshme të përmbush të gjitha obligimet që burojnë nga Islami.
Ajetja dëshiron të vizitoj Mekken dhe të kryej Haxhin dhe Umren. "Jam në gjendje të sakrifikoj të gjitha që i kam për Islam duke mos menduar për asgjë tjetër veçse të jem në rrugën e Allahut" shprehet në mënyrë bindshme kjo muslimane e re.

Ajetja para disa vitesh ishte martuar me një arab dhe asaj i kishin lënë shumë përshtypje raportet që kishte me muslimanët e Akkës dhe me familjen e burrit. Kështu që pati mundësi të njohet më afër me Islamin."I kam praktikuar pesë kohët e namazit para se ta pranoj Islamin por frikën e vërtetë ndaj Allahut e kam ndier vetëm atëherë kur Islami depërtoi thellë në zemrën time"-thotë Ajetja


"Edhe kur kamë qene hebre nuk i kam kryer obligimet fetare por pasi u njoftova me fenë Islame frika ndaj Allahut gradualisht u vendos në zemrën time. Lumturinë, sigurinë dhe qetësinë shpirtërore kam gjetur vetëm në Islam, vetëm pas vendosjes së frikës ndaj Allahut në zemrën time"thotë Ajetja

Pas faljes së namazit të ikindisë në xhaminë El Xhezar të shoqëruar nga besimtaret tjera muslimane, Ajetja kishte vendosur të tregoj se e pranon Islamin, dhe është shumë e lumtur për këtë vendim ngase vetëm Islami është solucion i vetëm për gjetjen e të mirave.


Pasi që e pranoi Islamin Ajetja i regjistroi fëmijët në shkollën arabe si dhe i ndërroi emrat e vajzave të saj, të cilat i emërtoi me emra muslimane përkatësisht Amine dhe Fatima..

.
Ajetja tregon se i pëlqen shumë të dëgjojë poezitë muslimane dhe ilahitë e Sami Yusufit.Ajo deklaron se Allahu i ka dhuruar asaj një jetë të re dhe gjuhën e saj gjithnjë e shoqërojnë disa ajete nga Kurani Famëlartë që i ka mësuar.


Nëna dhe babai janë shtangur me vendimi e vajzës së tyre dhe nuk kanë dëshiruar të pranojnë këtë realitet të ri. "Pas reagimeve të para negative nënë është zbutur paksa ndërsa i lutem Allahut që edhe sjelljet e babit tim të ndryshojnë" tregon Ajete

Ajete duke komentuar për rrethanat e brendshme prezente në tokat plestineze, thekson se përçarja e brendshme i gëzon izraelitët ngase kjo është ëndrra e kamotshme e hebrenjve. "Më kanë këshilluar motrat besimtare se mësimi më i mirë për këtë situatë del nga Sureja Huxhuratë"këshillon Ajetja.

Duku i bërë thirrje El Fetihut dhe Hamasit, Ajete i këshillon të dyja palët që të marrin librin e Allahut si gjykues midis tyre.

Edhe serbët prodhojnë ushqim hallall












Pas 15 vjet pauze, prodhimet serbe, përmes certifikatave hallall, sërish pretendojnë tregun e vendeve islame.


Bashkësia Islame në Serbi ripërtëriu agjencinë e cila merret me lëshimin e certifikatave të kualitetit hallall, sepse secili prodhues ushqimor, i cili dëshiron që prodhimet e tij t'i shes në tregun e vendeve islame, i nevojitet kjo certifikatë.



Që konsumatori i besimit islam ta dinë që ushqimi nuk është prodhuar nga përdorimi i lëndëve me prejardhje të derrit është e nevojshme që ky lloj ushqimi të ketë hallall certifikatën të cilën, si zakonisht, e lëshon bashkësia lokale myslimane, thotë Mustafa Jusufspahiç, drejtor i agjencisë hallall.

Njëqindpërqind e muslimanëve ndiejnë nevojë për ushqim hallall, sepse kjo është ajo që është caktuar, rekomanduar dhe urdhëruar nga vetë Zoti. Ajo që vendi ynë duhet t'ju siguroj qytetarëve të vet të besimit islam është barazia edhe në këtë segment të jetës", shtoi JUsufspahiç.

Tregu i prodhimeve hallall në botë vlerësohet afro 500 miliard dollarë, prej të cilave 170 miliardë fitohen vetëm në ushqim. Industria e Serbisë e cila më parë ka eksportuar një sasi të madhe në Lindjen e Afërt, edhe para 35 vjetëve ka pas hallall certifikatat të cilat, për fat të keq, i ka humbur. Por, për shkak të zhvillimit të tregut interesimi përsëri ekziston, shpjegon drejtori Mustafa Jusufspahiç.

"Ne si bashkësi islame dhe agjenci për certifikim dëshirojmë të kontribuojmë në përmirësimin e kushteve të prodhuesve në shitjen e prodhimeve të tyre duke marrë parasysh që prodhimet tona janë të kualitetit të lartë, por ende janë të panjohur në tregun e botës islame", tha Jusufspahiç.

'Centroproizvod' është në mesin e kompanive të mëdha të cilat kanë vendosur për certifikatën hallall. 'Cipiripi' i tyre së shpejti duhet të gjendet në tregun e Afrikës veriore, thotë drejtori i zhvillimit të kësaj kompanie. "Kemi vendosur për këtë, sepse mallin tonë dëshirojmë ta eksportojmë në vendet islame. E që kjo të arrihet ata kërkojnë certifikatën hallall e cila jep garanci që malli jonë është i prodhuar sipas kërkesave të tyre, ndërsa në anën tjetër ata janë të sigurt që ato kërkesa janë respektuar", përfundoi ai.

Futja e hallall certifikatave, pa dyshim, do t'ju lehtësojnë jetën besimtarëve muslimanë në Serbi, por në të njëjtën kohë paraqet një rast të madh për industrinë ushqimore në këtë vend.



28.08.2007.islamgjakova.net





P.S
Kjo organizat a nuk do te sjell ene ne kosov kto prodhimi
mjerisht ky link qe ashte nga qyteti im eshte nje smundje per popullin shqiptar mundeni me leshue nje sy kti linku ma shum se 90% jan jan shkrime per arap e per shqiptar as 5%

Pas 15 vjet pauze, prodhimet serbe, përmes certifikatave hallall, sërish pretendojnë tregun e vendeve islame.


Bashkësia Islame në Serbi ripërtëriu agjencinë e cila merret me lëshimin e certifikatave të kualitetit hallall, sepse secili prodhues ushqimor, i cili dëshiron që prodhimet e tij t'i shes në tregun e vendeve islame, i nevojitet kjo certifikatë.



Që konsumatori i besimit islam ta dinë që ushqimi nuk është prodhuar nga përdorimi i lëndëve me prejardhje të derrit është e nevojshme që ky lloj ushqimi të ketë hallall certifikatën të cilën, si zakonisht, e lëshon bashkësia lokale myslimane, thotë Mustafa Jusufspahiç, drejtor i agjencisë hallall.

Njëqindpërqind e muslimanëve ndiejnë nevojë për ushqim hallall, sepse kjo është ajo që është caktuar, rekomanduar dhe urdhëruar nga vetë Zoti. Ajo që vendi ynë duhet t'ju siguroj qytetarëve të vet të besimit islam është barazia edhe në këtë segment të jetës", shtoi JUsufspahiç.

Tregu i prodhimeve hallall në botë vlerësohet afro 500 miliard dollarë, prej të cilave 170 miliardë fitohen vetëm në ushqim. Industria e Serbisë e cila më parë ka eksportuar një sasi të madhe në Lindjen e Afërt, edhe para 35 vjetëve ka pas hallall certifikatat të cilat, për fat të keq, i ka humbur. Por, për shkak të zhvillimit të tregut interesimi përsëri ekziston, shpjegon drejtori Mustafa Jusufspahiç.

"Ne si bashkësi islame dhe agjenci për certifikim dëshirojmë të kontribuojmë në përmirësimin e kushteve të prodhuesve në shitjen e prodhimeve të tyre duke marrë parasysh që prodhimet tona janë të kualitetit të lartë, por ende janë të panjohur në tregun e botës islame", tha Jusufspahiç.

'Centroproizvod' është në mesin e kompanive të mëdha të cilat kanë vendosur për certifikatën hallall. 'Cipiripi' i tyre së shpejti duhet të gjendet në tregun e Afrikës veriore, thotë drejtori i zhvillimit të kësaj kompanie. "Kemi vendosur për këtë, sepse mallin tonë dëshirojmë ta eksportojmë në vendet islame. E që kjo të arrihet ata kërkojnë certifikatën hallall e cila jep garanci që malli jonë është i prodhuar sipas kërkesave të tyre, ndërsa në anën tjetër ata janë të sigurt që ato kërkesa janë respektuar", përfundoi ai.

Futja e hallall certifikatave, pa dyshim, do t'ju lehtësojnë jetën besimtarëve muslimanë në Serbi, por në të njëjtën kohë paraqet një rast të madh për industrinë ushqimore në këtë vend.



28.08.2007.islamgjakova.net