Yllka Sheqiri

Edhe një Çmim për Yllka Sheqirin

Në festivalin e filmit “Tellus 2009” që u mbajt nga 18-20 shtator në Karlshamn të Suedisë, Çmimin e publikut në kategorinë senior, për film të shkurtër artistik, e mori filmi ”Në pus pa fund” me skenar dhe në regji të Yllka Sheqirit.

Die Anzeige dieses Bildes wird in Ihrem Browser möglicherweise nicht unterstützt.


Yllka Sheqiri foto Rizah Sheqiri

Krijuesja e re Yllka Sheqiri, autorja e dy përmbledhjeve poetike në gjuhën suedeze ”Jag lyssnar inte alltid” / Unë dëgjoj jo gjithmonë/ 2005 dhe ”Men” /Por/ 2008 e prezentuar në përmbledhjen antologjike Via Mystica /Përmes mistikës/ si dhe në antologjinë ”Revansch 2008”, botim i Shtëpisë Botuese ”Skrivarsidan” dhe Vullkan.

Me krijimet e veta Yllka është prezentuar edhe në librin shkollor ”Urat tona” si dhe në disa antologji të tjera.

Yllka Sheqiri, poete, studente e dramës, filmit dhe skenarit është një krijuese që premton shumë, jo vetëm në fushën e letërsisë, por edhe të dramës e të filmit.

Këtë e dëshmoi me filmin e saj të shkurtër artistik “Në pus pa fund” skenarin dhe regjin e të cilit i bëri vetë dhe ku rolin kryesor e luan vetë. Me këtë film ajo konkuroi në Festivalin e filmit të shkurtër artistik “Alfredgalan 2009” që u mbajtë në Solvesborg të Suedisë. Nga juria profesionale e këtij fesivali Yllka Sheqiri u nderua me Çmimin për aktrim.

Yllka Sheqiri me filmin e saj ”Në pus pa fund” këto ditë korri edhe një sukses tjetër.Në festivalin e filmit “Tellus 2009” që u mbajt nga 18-20 shtator në Karlshamn, në kategorinë senior, u nderua me Çmimin e publikut.

Die Anzeige dieses Bildes wird in Ihrem Browser möglicherweise nicht unterstützt.

Çmimi i Publikut iu dha filmit “Në pus pa fund” të Yllka Sheqirit

Festivalin e Filmit “TellUs 2009” në Karlshamn sivjet e organizuan: Film i Jönköpings län, BlekingeTekniska Högskola, Netport, Reaktor Sydost, RegionBlekinge och Europeiska Regionala Utvecklingsfonden.

Yllka Sheqiri, (1987) u lind në Prishtinë. Si katërvjeçare bashkë me prindërit mërgoi në Suedi. Shkollën fillore dhe
shkollën e mesme drejtimin natyror i kreu në Karlskrona. Është studente dhe studion dramaturgji dhe film. Si fëmijë ka
ilustruar disa libra fëmijë, por valljadhe krijimtaria letrare janë pasion i saj i veçantë. Është prezentuar në disa antologji
me poezi për fëmijë, psh. Në antologjinë ”Atdheun e kam në Zemër”, në ”Urat tona”, etj. Disa vite ka shkruar skenar për
teatër me grupin e skenarit të shkollës. Ka themeluar dhe ka udhëhequr një kohë grupin e fëmijëve vallëtar të vegjël
”Gliter” në Karlskrona.Gjatë vitit shkollor 2007/2008 ka punuar si mësuese dhe udhëheqëse e një kursi themelor për
gjuhën ”Gjuha çels për integrim” në gjuhën shqipe dhe suedeze në Karlskrona.Gjatë studimeve ka qenë asistente e
regjisë për dramën ”Komedia hyjnore e Dantes” (2006) vënë në skenë nga studentët në Teatrin e Studentëve në
Lund.Vitin 2005 ka debutuar me përmbledhjen e poezive në gjuhën suedeze ”Jag lyssnar inte alltid” (Unë dëgjoj jo
gjithmonë), ndërsa më 2008 ka botuar përmbledhjen tjetër me poezi me titull ”Men” (Por). Në vitin 2007 me poezinë
”Kasta mig i öknen (Më hidh në shkretëtirë)” Yllka është prezentuar në përmbledhjen antologjike Via Mystica /Përmes
mistikës/ nga autorët Jonas Eek, Stefan Klint, Beata Åhrman-Ekh në botim të shtëpisë botuese Verbum ndërsa më
2008 është përfshirë në antologjinë ”Revansch 2008”, botim i Shtëpisë Botuese ”Skrivarsidan” dhe Vullkan.Yllka
Sheqiri, poete, studente e dramës, filmit dhe skenarit është një krijuese që premton shumë jo vetëm në fushën e
letërsisë, por edhe të dramës e të filmit. Këtë e dëshmoi me filmin e saj të shkurtër artistik të realizuar vitin e kaluar
me titull “Në pus pa fund” skenarin dhe regjin e të cilit i bëri vetë dhe ku rolin kryesor e luan vetë. Në Festivalin e filmit
të shkurtër artistik “Alfredgalan 2009” në Sölvesborg Yllka u nderua me Çmimin për aktrimin më të mirë në filmin e saj
“Në pus pa fund”. Ndërsa në Festivaline filmit “Tellus 2009” që u mbajt në Karlshamn në shtator filmi “Në pus pa fund i Yllkes mori cmimin e publikut

Yllka Sheqiri
Vetmi
Unë jam e vetëmuar
Si një diell pa qiell
Unë jam e zbrazët
Si një krua pa ujë
Unë jam tutje e harruar
Si një ëndërr e ndrydhur në jetën e njeriut
Unë jam për së gjalli e vdekur
Si një trup pa zemër
Ti
që më mbyte të tërën
Ishe ti
Tash të them me çiltërsi
Të urrej të urrej të urrej
Vetmi!
©Yllka Sheqiri

Pa titull
* * *
Princesha
deshi të shkoi
Dhe shkoi
Larg tutje
Shkoi
Dhe kurrë më nuk u kthye
Ajo ishte e frikësuar
E frikësuar
Të qëndroi
Dhe
Ta lë përrallën të rifilloi
©Yllka Sheqiri