Zgjidhet Matrica 248 dimensionale

Struktura është përshkruar të jetë në formën e një matrice të madhe e të gjerë

Një staf ndërkombëtar matematikanësh ka detajuar një strukturë të madhe kompleksi numerik, që është zbuluar më shumë se një shekull më parë. Hartimi i një strukture 248 dimensionale, e quajtur E8, ka marrë katër vite pune, sipas studiuesve. E8 përshkruan objekte simetrike. Grupi që është marrë me prodhimin dhe zgjidhjen e kësaj matrice shprehet se zbulimet e tyre mund të ndihmojnë fushat e fizikës, në të cilat përdoren më shumë se katër dimensione, siç është Teoria e Vijës së Drejtë. Kjo matricë gjigante futet në të ashtuquajturat “Lie Goup”, duke përshkruar objektet simetrike për nder të matematikanit norvegjez Sophus Lie, që bëri këtë zbulim në shekullin e 19-të. Strukturat e njohura si rruzujt dhe konet kanë simetri në tre dimensione dhe ato përshkruhen në grupin “Lie”. E8 është shumë herë më e madhe. "Ajo që të tërheq më shumë në studimin E8 është se ajo është po aq e komplikuar sa ç’është edhe simetrike”, shprehet David Vogan, nga Instituti i Teknologjisë të Massachussetts (MIT) në US. Ai, gjithashtu, po prezanton rezultatet e (MIT) në leksionet e tij të titulluara “Tabelat e karaktereve për E8” ose “Si u shkrua dhe u zgjidh matrica 453,060 x 453,060”. Konceptualizimi, stilimi dhe kalkulimi u krye në sajë të një stafi prej 19 matematikanësh për katër vite. Kompjuterizimi final u krye për më shumë se tre ditë me anë të një super-kompjuteri Sage.