Pengmarrje dhe grabitje me armë në mes të Tiranës!!!!

TIRANE - Drejtori i policisë doli në një deklaratë para medias në lidhje me pengmarrjen e ndodhur sot në kryeqytet pas grabitjes së filialit të një banke në zonën e ish-bllokut.
“Sot më datë 19 mars 2010 rreth orës 12.30’ një person i armatosur ka vjedhur me armë filialin e bankës Raiffeisen që ndodhen në ambjentet e brendëshme të Hotel Rogner.
Menjeherë në vendin e ngjarjes u afruan Patrullat e Përgjithshme të Komisaraiti të Policisë Nr.1 dhe Nr.2 të Policisë së Tiranës, të cilët bënë të mundur një kufizim të shpejtë të zones”, thuhet në deklaratën e policisë.
Sipas saj, Patrullat e Përgjithshme të Policisë, konstatuan që një person i armatosur po largohej me shpejtësi në Bulevardin “Dëshmorët e Kombit” dhe bënë një kufizim më të ngushtë të zonës dhe pikërisht në rrugën “Abdyl Frashëri” në Tiranë përballë me librin Universitar, mundën që të ndalin autorin e vjedhjes me armë.
Në këto kushte, grabitësi mori perng një kalimtare të rastit. Në vendin e ngjarjes u afruan me shpejtësi edhe forca të tjera të Policisë së Tiranës dhe të Repartit RENEA.
Policia sqaroi se është negocijuar me rrëmbyesin përreth 30 minuta dhe është synuar që të ruhej qetësia e tij, deri në organizimin e operacionit për kapjen dhe neutralizimin e tij.
“Falë ndërhyrjes mjaft profesionale të forcave speciale Renea u bë e mundur çlirimi i vajzën së rrëmbyer dhe kapja dhe arrestimi i autorit, gjithashtu u bë e mundur edhe sekuestrimi i të gjithave parave të grabitura. Autori është shteasi Romeo Llesh Leka, lindur në Lezhë dhe me vendbanim të papërcaktuar.
Autori është i moshës 25 vjeç dhe në vitin 1998 ka emigraruar sëbashku me familjen e tij në Neë Your të Shteteve të bashkuara të Amerikës. Në SH.B.A është arrestuar disa herë për “Trafik dhe shpërndarje të lëndëve narkotike”, “Vjedhje me armë”, Vjedhje banke” dhe për “Posedim të armëve të zjarrit”, deklaron policia.
Sipas saj në gusht të vitit 2007 është deportuar nga autoritetet e emigracionit të SH.B.A dhe ka jetuar tek të afërm të tij në qytet Durrës, Kavajë, Burrel dhe Tiranë.
Drejtoria e policisë tha se përveç ngjarjes së sotme shtetasi i lartëpërmendur është i dyshuar si autor i vjedhjes me armë të mbetur në tentativë të filialit të bankës Union Bank e ndodhur më datë 18.03.2010 në rrugën “Ali Demi” në Tiranë, si dhe i tentativës së vjedhje me armë ndodhur në mbrëmjen e brëmshme në Unazë të Re në Tiranë.
Në bashkëpunim me Prokurorinë për Krimet të Rënda dhe Prokurorinë e Rrethit Gjyqësor Tiranë vazhdon puna për dokumentimin e plotë të veprimtarisë kriminale të tij.
Drejtori i policisë së Tiranës falenderoI në mënyrë të veçantë Forcat Speciale Renea për guximin dhe profesionalizimin në lirmin e vajzës së rrëmbyer dhe arrestimin e autorit, si dhe Patrullat e Përgjithshme të Komisariaateve Nr.1,2 dhe Policinë Rrugore për gadishmerinë dhe profesionalizmin e treguar në përballimin e kësaj situate.
“Gjithashtu dua të falenderoj qytetarët e Tiranës, për mirëkutimin që treguan me forcat e
policisë dhe mediat që pasqyruan në kohë dhe mënyrë reale ngjarjen”, tha kreu i policisë.