TEC Qymyri nga Greqia ne Shqiperi

Lëvizja Socialiste ka reaguar pas nismës së qeverisë qeverisë për të pranuar shpërnguljen nga Greqia në Shqipëri të një termocentrali me qymyr me kapacitet 800 Mega/ë. Deputeti i kësaj partie, Dritan prifti në një konferencë për shtyp u shpreh se duke iu referuar dhe teknologjisë botërore , ky lloj është termocentrali me ndotje më të madhe që ekziston. Sipas tij, “Termocentrali me qymyr mund të ndërtohet vetëm në bregdet për shkak të kostos së transportit të lëndës së parë, pasi qymyri vjen nga importi dhe ne jemi totalisht kundër bërjes së një termocentrali me qymyr në bregdet. Gjithashtu ne jemi kundër faktit që ky termocentral i cili nuk pranohet nga opinioni publik në Greqi, që të ndërtohet në Greqi dhe të shpërngulet në Shqipëri, duke shpërngulur në të njëjtën kohë ndotjen në Shqipëri dhe energjia të shkojë në Greqi”.
Prifti e cilësoi si një akt skandaloz shpërnguljen e TEC-it nga Greqia në Shqipëri së bashku me ndotjen që ai shkakton. “Absolutisht jemi kundër një termocentrali që të ndërtohet në Shqipëri të ndotet Shqipëria dhe energjia të shkojë në Greqi apo kudo qoftë. Gjithashtu jemi absolutisht të vendosur që nëse do të merret një vendim i tillë këtë vendim nuk duhet ta marri në mënyrë të imponuar qeveria shqiptare. Sipas ligjit shqiptar të ambientit si dhe konventave ndërkombëtare duhet të pyetet komuniteti ku do të ndërtohet kjo vepër prodhuese, por dhe ndotëse në të njëjtën kohë. Pra duhet të bëhet referendum lokal nëse do të vendoset se do të ndërtohet ky TEC në Shqipëri.”, tha ai.


E gjeni ne Gazeten Start lajmin.