Dragusha arrin marrëveshje me “Donald Trump Models”

Prishtinë, 9 janar - Modelja Marigona Dragusha nuk e kishte besuar që një ditë do të arrijë aq shumë sukses. Ajo vitin që e lamë pas do ta mbajë në mend. Dragusha ka nënshkruar një kontratë me një nga agjencitë më të suksesshme të modës, “Donald Trump Models”. Edhe pse ka arritur mjaftë në moshën e saj, vazhdon të jetë një femër shumë e sinqertë dhe modeste. “Po vërtet mund të konsideroj që ky ka qenë viti i sukseseve më të mëdha për mua. Ndihem shumë e lumtur që kam arritur ta prezantoj Kosovën në një eveniment të tillë dhe të shpërblehem me këtë çmim. Ishte përgjegjësi e madhe, por gjithsesi jam nisur të bëj më të mirën time”, ka thënë Dragusha.
Marigona, e njohur ndryshe si Gona, një kohë ka qëndruar në Bahame dhe, gjatë qëndrimit atje, ajo ka shfrytëzuar që të lobojë për shtetin e Kosovës, Pas një takimi që kishte pasur me kryeministrin e këtij vendi, ajo i kishte kërkuar njohjen e Kosovës. “Po. I kërkova njohjen e Kosovës dhe ai e priti mirë këtë lobim timin”, kishte thënë Dragusha më të arritur në Prishtinë. Marigona Dragusha është zgjedhur “Miss universum 2009”.