“Sex and the City” ka ndryshuar qasjen ndaj femrave

Kim Cattrall thotë se “Sex and the City” ka ndikuar pozitivisht në trajtimin më të mirë të femrave jo të reja.
Aktorja 53-vjeçare, e cila pas serive është përfshirë edhe në dy filma që përmbajnë të njëjtin emër, thotë se kjo dramë ka ndryshuar qëndrimin e Hollywoodit ndaj femrave.
Cattrall, e cila luan rolin e Samantha Jones, thotë se edhe pse në dramë paraqitet kinse femrat arrijnë gjithçka që dëshirojnë, megjithatë në jetën reale e ka shumë të vështirë, duke qenë se angazhimi i madh e kufizon atë për të zhvilluar një jetë normale e le më të ketë një lidhje.
“Gjëja më e vështirë për punën time është se unë punoj shumë ditë nga 19 orë. Është vërtet vështirë për të pasur një jetë, e të mos flasim për një lidhje. Por nuk pendohem. Jam e lumtur”, ka shpjeguar aktorja.