Obama fiton Nobelin për paqen I ri

Marrë nga BBC Shqip

Çmimi Nobel për paqe këtë vit i është dhënë presidentit amerikan, Barack Obama. Komiteti përzgjedhës tha se ai kishte bërë përpjekje të jashtëzakonshme për të forcuar diplomacinë ndërkombëtare dhe bashkëpunimin.



Komiteti tha se i kishte kushtuar rëndësi të veçantë vizonit të zotit Obama për një botë pa armë bërthamore.

Komiteti tha se shumë rrallë ndonjë person ka dhënë kaq shpresë për një të ardhme më të mirë.

Duke folur për BBC, kreu i Agjencisë atomike bërthamore, Dr Mohamed El Baradei vlerësoi presidenti amerikan.

"Askush sot sipas pikëpamjes time nuk e meriton më shumë atë çmim se Barack Obama. Në më pak se një vit, ai solli ndryshim radikal në mënyrën se si shohim veten, në mënyrën se si shohim botën. Ai po rivendos vlerat bazë me të cilat ne duhet të jetojmë. Dialogu, respekti, demokracia të drejtat e njeriut, sistemi i sigurisë që nuk varet tek armët bërthamore. Angazhimi i tij, dedikimi ndaj këtyre vlerave ringjallin shpresën se më në fund mund të kemi një botë në paqe me veten."

Çmimi habiti shumë vëzhgues pasi vjen brenda vitit të parë të Obamës si president.