Angli, “Fëmija Mozaik”

Angli, “Fëmija Mozaik”

Londër - Një vajzë 6 vjeçare është pagëzuar nga mjekët me emrin “Fëmija mozaik”. Nëse shikon me kujdes radiografinë e vogëlushes, vihet re se organet i ngjajnë copëzave të një mozaiku që janë vendosur në formë të çrregullt.

Vajza ka 5 shpretka, një vrimë në zemër, mushkëria e krahut të djathë ka formën e mushkërisë së krahut të majtë, dhe mëlçi të sëmurë dhe të vendosur në krah të kundërt, dhe stomaku është i vendosur në krah të djathte kur duhej te ishte ne te majte.

Në kohën e lindjes mjekët i patën deklaruar prindërve të vajzës të mos kishin shumë shpresa për mbijetesën e saj. Por, Betani që vuan nga një sëmundje shumë shumë e radhë, e njohur si sindroma "Ivemark", sot feston ditëlindjen e saj të gjashtë.

“Me shikim të parë duket një vajzë si gjithë të tjerat- thotë e ëma Liza, 37 vjeçe- por nën lëkurën e saj gjithçka është e pakombinuar”. Që gjatë periudhës së shtatzënisë prindërit ishin vënë në dijeni të problemeve që do kishte vogëlushja, por ato kishin vendosur ta mbanin.

Ndërkohë, doktor Patrick McKiernan i spitalit për fëmijë në Birmingan thotë se “Vajza duhet vetëm të ushtrojmë një kontroll shëndetësor dy herë në vit, çka është një lajm i mirë për të dhe familjen e saj. Ajo ka nevojë për një transplant të mëlçisë por për momentin po presim se kur do të ndodhë. Ajo po ecën shumë mirë, pavarësisht problemeve të saj.”