PayPal me 100 milionë përdorues

Paypal tani ka arritur të ketë më shumë se 100 milionë përdorues aktiv, dhe sipas tyre, kjo është arritja e objektivit të tyre, një moment historik për kompaninë, citohet të kenë thënë zyrtarët e kompanisë për TechCrunch.

Që nga fundi i vitit të kaluar, PayPal kishte rreth 94.4 milionë përdorues aktiv. Që nga ajo kohë, PayPal kishte një normë tronditëse të rritjes, e cila bëri që këtij shërbimi t’i shtohen nga një milion llogari të reja aktive, për çdo muaj.

Një gjë që ende nuk është konfirmuar nga PayPal, është fakti se si ata e mendojnë të jetë një "përdorues aktiv", pasi kjo ende mbetet pak e paqartë për njerëzit.

Në tetor të vitit 2002, PayPal ishte blerë nga eBay, dhe sot ky shërbim llogaritet t’i sjell kësaj kompanie më shumë se 39 për qind të të hyrave të përgjithshme, ose thënë në shifra, 1 miliardë dollar vetëm për tre-mujorin e parë të vitit 2011